Búginde bir otbasynyń shańyraǵy daiyn bolsa, ekinshi otbasynyń baspanasy kúz aiyna deiin aiaqtaý josparlanyp otyr. «Kóp túkirse – kól» demekshi, igi is aýyldyń belsendi azamattarynyń uiymdastyrýymen júzege asyrylýda. Sondai belsendilerdiń bas qasynda júrip, túrli qaiyrymdy iske uiytqy bolyp júrgen azamat – Bekzat Habibov.
– Aýyl belsendileri bolyp biz osy sátke deiin muqtaj otbasylarǵa túrli kómek kórsetip kelemiz. Men óz basym mundai igi isti qoldaimyn. Muqtajdarǵa azdy-kóp kómek bolsyn dep birin qajetti turmystyq tehnikamen qamtamasyz etsek, birine siyr alyp berdik. Azyq-túlik berýdi de únemi uiymdastyramyz. Úisiz júrgen otbasylarǵa úi salyp bereiik degen sheshim qabyldap, ony kópshilik qoldap, búgingi tańda sol maqsat júzege asýda, – dedi B. Habibov.
Aýyl belsendileriniń aitýynsha, mundai qaiyrymdy iske qol ushyn sozýshylardyń sany artyp keledi eken.
Turǵyndar osy sátke deiin, muqtaj bolǵan otbasylarǵa turmystyq tehnikalyq buiymdarmen qamtamasyz etip, túrli qoldaýlary men kómekterin kórsetip kelgen. Aldaǵy ýaqytta aýyl belsendileri baspanasyz qalǵan jandarǵa asarlatyp úi salyp berýdi igi dástúrge ainaldyrmaq.
