بٷگٸندە بٸر وتباسىنىڭ شاڭىراعى دايىن بولسا, ەكٸنشٸ وتباسىنىڭ باسپاناسى كٷز ايىنا دەيٸن اياقتاۋ جوسپارلانىپ وتىر. «كٶپ تٷكٸرسە – كٶل» دەمەكشٸ, يگٸ ٸس اۋىلدىڭ بەلسەندٸ ازاماتتارىنىڭ ۇيىمداستىرۋىمەن جٷزەگە اسىرىلۋدا. سونداي بەلسەندٸلەردٸڭ باس قاسىندا جٷرٸپ, تٷرلٸ قايىرىمدى ٸسكە ۇيىتقى بولىپ جٷرگەن ازامات – بەكزات حابيبوۆ.
– اۋىل بەلسەندٸلەرٸ بولىپ بٸز وسى سەتكە دەيٸن مۇقتاج وتباسىلارعا تٷرلٸ كٶمەك كٶرسەتٸپ كەلەمٸز. مەن ٶز باسىم مۇنداي يگٸ ٸستٸ قولدايمىن. مۇقتاجدارعا ازدى-كٶپ كٶمەك بولسىن دەپ بٸرٸن قاجەتتٸ تۇرمىستىق تەحنيكامەن قامتاماسىز ەتسەك, بٸرٸنە سيىر الىپ بەردٸك. ازىق-تٷلٸك بەرۋدٸ دە ٷنەمٸ ۇيىمداستىرامىز. ٷيسٸز جٷرگەن وتباسىلارعا ٷي سالىپ بەرەيٸك دەگەن شەشٸم قابىلداپ, ونى كٶپشٸلٸك قولداپ, بٷگٸنگٸ تاڭدا سول ماقسات جٷزەگە اسۋدا, – دەدٸ ب. حابيبوۆ.
اۋىل بەلسەندٸلەرٸنٸڭ ايتۋىنشا, مۇنداي قايىرىمدى ٸسكە قول ۇشىن سوزۋشىلاردىڭ سانى ارتىپ كەلەدٸ ەكەن.
تۇرعىندار وسى سەتكە دەيٸن, مۇقتاج بولعان وتباسىلارعا تۇرمىستىق تەحنيكالىق بۇيىمدارمەن قامتاماسىز ەتٸپ, تٷرلٸ قولداۋلارى مەن كٶمەكتەرٸن كٶرسەتٸپ كەلگەن. الداعى ۋاقىتتا اۋىل بەلسەندٸلەرٸ باسپاناسىز قالعان جاندارعا اسارلاتىپ ٷي سالىپ بەرۋدٸ يگٸ دەستٷرگە اينالدىرماق.
