Aýyl sharýashylyǵy jerleriniń tek 1,3 paiyzy jalǵa berilgen – Erlan Nysanbaev
«Qazaqstanda jalpy jerdiń kólemi 272, 5 mln gektardy quraidy. Onyń ishinde 24, 3 mln gektar egistik, 2 mln 100 myń gektar shabyndyq, 68,4 mln gektar jaiylym bar. Búgingi kúni 99, 5 mln gektar nemese 98,7 paiyz jer uzaq merzimge jalǵa berilgen. Onyń 1,3 mln gektary nemese 1,3 paiyzy ǵana aýyl sharýashylyǵyna tiesili. Elimizde zapastaǵy jerdiń kólemi – 100, 1 mln gektar, onyń ishinde 83,2 mln gektar aýyl sharýashylyǵy alqaptary, bul jerler naryqtyq ainalymǵa tartylmaǵan», - dedi vitse-ministr.
Erlan Nysanbaev jer reformalarynyń tarihyna da toqtala ketti. Onyń aitýynsha, jer sheteldikterge 1990 jyldan bastap jalǵa berilip keledi.
«1995-2011 jyldar aralyǵynda Qazaqstan azamattaryna jáne sheteldikterge qysqa merzimge 3 jylǵa, uzaq merzimge 99 jylǵa deiin jalǵa berilip keldi. 2011 jyly Qazaqstan azamattaryna qysqa merzimge 5 jylǵa deiin, uzaq merzimge 49 jylǵa deiin jalǵa berý engizildi. Al sheteldikter úshin 10 jylǵa deiin qysqartyldy. 2003 jyly Jer kodeksi qabyldanyp, ol qazaqstandyqtarǵa aýyl sharýashylyǵy jerlerin jekemenshikke alý quqyǵyn belgiledi», - dep tolyqtyrdy ol.
«2011 jyldan bastap sheteldikter úshin – jarǵylyq kapitalynda úlesi 50 paiyzdan joǵary zańdy tulǵalarǵa 10 jylǵa deiingi merzimge jaldaý quqyǵy belgilendi jáne talaptary kúsheitildi. 2015 jyldyń 1 qańtarynan bastap investitsiia tartý maqsatynda sheteldikterge jerdi jalǵa berý merzimi 25 jylǵa deiin uzartyldy», - dep túiindedi E.Nysanbaev.
Derekkózi: BNews.kz
