«قازاقستاندا جالپى جەردىڭ كولەمى 272، 5 ملن گەكتاردى قۇرايدى. ونىڭ ىشىندە 24، 3 ملن گەكتار ەگىستىك، 2 ملن 100 مىڭ گەكتار شابىندىق، 68،4 ملن گەكتار جايىلىم بار. بۇگىنگى كۇنى 99، 5 ملن گەكتار نەمەسە 98،7 پايىز جەر ۇزاق مەرزىمگە جالعا بەرىلگەن. ونىڭ 1،3 ملن گەكتارى نەمەسە 1،3 پايىزى عانا اۋىل شارۋاشىلىعىنا تيەسىلى. ەلىمىزدە زاپاستاعى جەردىڭ كولەمى – 100، 1 ملن گەكتار، ونىڭ ىشىندە 83،2 ملن گەكتار اۋىل شارۋاشىلىعى القاپتارى، بۇل جەرلەر نارىقتىق اينالىمعا تارتىلماعان»، - دەدى ۆيسە-مينيستر.
ەرلان نىسانبايەۆ جەر رەفورمالارىنىڭ تاريحىنا دا توقتالا كەتتى. ونىڭ ايتۋىنشا، جەر شەتەلدىكتەرگە 1990 جىلدان باستاپ جالعا بەرىلىپ كەلەدى.
«1995-2011 جىلدار ارالىعىندا قازاقستان ازاماتتارىنا جانە شەتەلدىكتەرگە قىسقا مەرزىمگە 3 جىلعا، ۇزاق مەرزىمگە 99 جىلعا دەيىن جالعا بەرىلىپ كەلدى. 2011 جىلى قازاقستان ازاماتتارىنا قىسقا مەرزىمگە 5 جىلعا دەيىن، ۇزاق مەرزىمگە 49 جىلعا دەيىن جالعا بەرۋ ەنگىزىلدى. ال شەتەلدىكتەر ءۇشىن 10 جىلعا دەيىن قىسقارتىلدى. 2003 جىلى جەر كودەكسى قابىلدانىپ، ول قازاقستاندىقتارعا اۋىل شارۋاشىلىعى جەرلەرىن جەكەمەنشىككە الۋ قۇقىعىن بەلگىلەدى»، - دەپ تولىقتىردى ول.
«2011 جىلدان باستاپ شەتەلدىكتەر ءۇشىن – جارعىلىق كاپيتالىندا ۇلەسى 50 پايىزدان جوعارى زاڭدى تۇلعالارعا 10 جىلعا دەيىنگى مەرزىمگە جالداۋ قۇقىعى بەلگىلەندى جانە تالاپتارى كۇشەيتىلدى. 2015 جىلدىڭ 1 قاڭتارىنان باستاپ ينۆەستيسيا تارتۋ ماقساتىندا شەتەلدىكتەرگە جەردى جالعا بەرۋ مەرزىمى 25 جىلعا دەيىن ۇزارتىلدى»، - دەپ تۇيىندەدى ە.نىسانبايەۆ.
دەرەككوزى: BNews.kz
