«Aýyl qutqarýshylary» vedomstvolyq baǵdarlamasy aiasynda jergilikti atqarýshy organdar elimizdiń aýyldyq jerlerinde erikti órtke qarsy qurylymdar men órt sóndirý beketterin qurý jáne damytý jumystaryn jalǵasýda. Baǵdarlamanyń maqsaty – shalǵai jáne jetýi qiyn eldi mekenderdiń órtke qarsy qorǵalýyn arttyrý, tótenshe jaǵdailarǵa den qoiý ýaqytyn qysqartý jáne halyqtyń qaýipsizdigin qamtamasyz etý bolyp tabylady.
Jaqynda Qostanai oblysynda Altynsarin aýdanynyń Dokýchaev atyndaǵy aýylynda órt sóndirý beketi ashyldy. Ol 1300-den astam turǵyn men aýmaǵy 4000 gektardy quraityn Lermontov orman sharýashylyǵynyń qaýipsizdigin qamtamasyz etedi. Beketti jaraqtandyrý úshin TJD balansynan órt sóndirý kóligi men jedel kólik berildi. Osyǵan uqsas bólimsheler B.Mailin aýdanynda da jumysyn bastady. Jańa órt sóndirý beketi 4000-nan astam turǵyny bar taǵy eki eldi mekenge qyzmet kórsetedi.
Sol siiaqty Abai oblysynyń Jarma aýylynda daiyndalǵan tehnikamen jáne oqytylǵan volonterlermen jabdyqtalǵan erikti órtke qarsy quralym quryldy. Eriktiler TJ departamentinde oqytýdan ótip, jedel den qoiýǵa daiyn.
Al Jambyl oblysynyń Jambyl aýdanyna qarasty Órnek aýylynda órt sóndirý beketi jańartyldy. Eriktiler zamanaýi qural-jabdyqtarmen jáne arnaiy kiim-keshekpen qamtamasyz etildi. Qyzylorda oblysy Jańaqorǵan aýdanynyń Manap aýylynda jańa órt sóndirý beketi iske qosyldy. Nysan tórt aýyldy qamti otyryp, shamamen 4600 turǵynnyń qaýipsizdigin qamtamasyz etedi.
Batys Qazaqstan oblysy Shyńǵyrlaý aýdanynyń Almaz aýylynda órt sóndirý beketi ashylyp, 700-den astam turǵyny bar taǵy eki eldi mekenge qyzmet kórsetedi. Aqtóbe oblysynyń Mártók aýdanyndaǵy Mártók aýylynda jumys istep turǵan órt sóndirý beketi 10 200 turǵyndy qamtidy.
Sonymen qatar Aqtóbe oblysy Qarǵaly aýdanynyń Álimbet aýylynda táýlik boiy jumys isteitin órt sóndirý beketi bar. Beket 2 200-den astam turǵynnyń qaýipsizdigin qamtamasyz etedi. Beket táýlik boiy jumys istep, halyqpen aldyn alý jumystaryn júrgizýde.
Aqmola oblysynyń Býlandy aýdanyna qarasty Partizanka aýylynda jańa órt sóndirý beketi ashyldy. Aýyl eń jaqyn órt sóndirý bólimine 90 km qashyqtyqta ornalasqan. Oblystyq TJD órt tehnikasyn berdi. Sonymen qatar Aqmola oblysynyń Arshaly aýdanyndaǵy Konstantinovka aýylynda jańa órt sóndirý beketi ashylyp, 2700-den astam turǵyny bar eldi mekender men 2500 gektar orman qoryn qamtidy.
Órt sóndirý beketterin qurý — bul tek tótenshe jaǵdailarǵa daiyndyqty arttyrý ǵana emes, sondai-aq aýyl infraqurylymyn damytýǵa qosylǵan úles. «Aýyl qutqarýshylary» baǵdarlamasy – memlekettiń, jergilikti biliktiń jáne halyqtyń týǵan aýyldaryn qorǵaýdaǵy tiimdi yntymaqtastyǵyn kórsetip otyr. Bul baǵyttaǵy jumystar jalǵasýda. Ár aýylǵa qaýipsizdik — ortaq mindetimiz!
