«اۋىل قۇتقارۋشىلارى» ۆەدومستۆولىق باعدارلاماسى اياسىندا جەرگىلىكتى اتقارۋشى ورگاندار ەلىمىزدىڭ اۋىلدىق جەرلەرىندە ەرىكتى ورتكە قارسى قۇرىلىمدار مەن ءورت ءسوندىرۋ بەكەتتەرىن قۇرۋ جانە دامىتۋ جۇمىستارىن جالعاسۋدا. باعدارلامانىڭ ماقساتى – شالعاي جانە جەتۋى قيىن ەلدى مەكەندەردىڭ ورتكە قارسى قورعالۋىن ارتتىرۋ، توتەنشە جاعدايلارعا دەن قويۋ ۋاقىتىن قىسقارتۋ جانە حالىقتىڭ قاۋىپسىزدىگىن قامتاماسىز ەتۋ بولىپ تابىلادى.

جاقىندا قوستاناي وبلىسىندا التىنسارين اۋدانىنىڭ دوكۋچايەۆ اتىنداعى اۋىلىندا ءورت ءسوندىرۋ بەكەتى اشىلدى. ول 1300-دەن استام تۇرعىن مەن اۋماعى 4000 گەكتاردى قۇرايتىن لەرمونتوۆ ورمان شارۋاشىلىعىنىڭ قاۋىپسىزدىگىن قامتاماسىز ەتەدى. بەكەتتى جاراقتاندىرۋ ءۇشىن تجد بالانسىنان ءورت ءسوندىرۋ كولىگى مەن جەدەل كولىك بەرىلدى. وسىعان ۇقساس بولىمشەلەر ب.مايلين اۋدانىندا دا جۇمىسىن باستادى. جاڭا ءورت ءسوندىرۋ بەكەتى 4000-نان استام تۇرعىنى بار تاعى ەكى ەلدى مەكەنگە قىزمەت كورسەتەدى.

سول سياقتى اباي وبلىسىنىڭ جارما اۋىلىندا دايىندالعان تەحنيكامەن جانە وقىتىلعان ۆولونتەرلەرمەن جابدىقتالعان ەرىكتى ورتكە قارسى قۇرالىم قۇرىلدى. ەرىكتىلەر تج دەپارتامەنتىندە وقىتۋدان ءوتىپ، جەدەل دەن قويۋعا دايىن.

ال جامبىل وبلىسىنىڭ جامبىل اۋدانىنا قاراستى ورنەك اۋىلىندا ءورت ءسوندىرۋ بەكەتى جاڭارتىلدى. ەرىكتىلەر زاماناۋي قۇرال-جابدىقتارمەن جانە ارنايى كيىم-كەشەكپەن قامتاماسىز ەتىلدى.  قىزىلوردا وبلىسى جاڭاقورعان اۋدانىنىڭ ماناپ اۋىلىندا جاڭا ءورت ءسوندىرۋ بەكەتى ىسكە قوسىلدى. نىسان ءتورت اۋىلدى قامتي وتىرىپ، شامامەن 4600 تۇرعىننىڭ قاۋىپسىزدىگىن قامتاماسىز ەتەدى.

باتىس قازاقستان وبلىسى شىڭعىرلاۋ اۋدانىنىڭ الماز اۋىلىندا ءورت ءسوندىرۋ بەكەتى اشىلىپ، 700-دەن استام تۇرعىنى بار تاعى ەكى ەلدى مەكەنگە قىزمەت كورسەتەدى. اقتوبە وبلىسىنىڭ مارتوك اۋدانىنداعى مارتوك اۋىلىندا جۇمىس ىستەپ تۇرعان ءورت ءسوندىرۋ بەكەتى 10 200 تۇرعىندى قامتيدى.

سونىمەن قاتار اقتوبە وبلىسى قارعالى اۋدانىنىڭ الىمبەت اۋىلىندا تاۋلىك بويى جۇمىس ىستەيتىن ءورت ءسوندىرۋ بەكەتى بار. بەكەت 2 200-دەن استام تۇرعىننىڭ قاۋىپسىزدىگىن قامتاماسىز ەتەدى. بەكەت تاۋلىك بويى جۇمىس ىستەپ، حالىقپەن الدىن الۋ جۇمىستارىن جۇرگىزۋدە.

اقمولا وبلىسىنىڭ بۋلاندى اۋدانىنا قاراستى پارتيزانكا اۋىلىندا جاڭا ءورت ءسوندىرۋ بەكەتى اشىلدى. اۋىل ەڭ جاقىن ءورت ءسوندىرۋ بولىمىنە 90 كم قاشىقتىقتا ورنالاسقان. وبلىستىق تجد ءورت تەحنيكاسىن بەردى.  سونىمەن قاتار اقمولا وبلىسىنىڭ ارشالى اۋدانىنداعى كونستانتينوۆكا اۋىلىندا جاڭا ءورت ءسوندىرۋ بەكەتى اشىلىپ، 2700-دەن استام تۇرعىنى بار ەلدى مەكەندەر مەن 2500 گەكتار ورمان قورىن قامتيدى.

ءورت ءسوندىرۋ بەكەتتەرىن قۇرۋ — بۇل تەك توتەنشە جاعدايلارعا دايىندىقتى ارتتىرۋ عانا ەمەس، سونداي-اق اۋىل ينفراقۇرىلىمىن دامىتۋعا قوسىلعان ۇلەس. «اۋىل قۇتقارۋشىلارى» باعدارلاماسى – مەملەكەتتىڭ، جەرگىلىكتى بيلىكتىڭ جانە حالىقتىڭ تۋعان اۋىلدارىن قورعاۋداعى ءتيىمدى ىنتىماقتاستىعىن كورسەتىپ وتىر. بۇل باعىتتاعى جۇمىستار جالعاسۋدا. ءار اۋىلعا قاۋىپسىزدىك — ورتاق مىندەتىمىز!