«Aýyl» partıasynyń negizgi maqsattarynyń biri – eńbek adamynyń qadirin arttyryp, mártebesin kóterý. Sondaı-aq, olarǵa aýyl sharýashylyǵy óndirýshileri retinde artyqshylyqtar bere otyryp, «el asyraýshysyn» qasterleýdi qalyptastyrý. Sebebi eldi adal mańdaı terimen nápaqasyn taýyp júrgen, qolynda kúregi men ketpeni, aldynda maly bar adamdar ǵana asyraıdy. Agrarlyq sektordaǵy ónimniń jemisi – tikeleı qarapaıym eńbek adamdarynyń, ıaǵnı sizderdiń eńbekterińizdiń arqasy.
«Altyn, kúmis – tas, arpa, bıdaı – as». Adam taspen emes, aspen qorektenedi. Mine, solarǵa qamqorlyq jasaýymyz kerek.
[perfectpullquote align="full" bordertop="false" cite="" link="" color="" class="" size=""]Sondyqtan da, «Aýyl» partıasy búginde eńbek adamynyń mártebesin kóterý, qoǵamda jumysshy mamandyqtaryna degen oń kózqarasty qalyptastyrý, eńbekkerler abyroıyn asqaqtatý, bedeli men tanymaldylyǵyn arttyrý jónindegi barlyq iske bastamashy, uıytqy bolyp qana qoımaı, sonyń zańnama turǵysynda naqty mártebege ıe bolýy úshin kúsh salyp júr», – dedi jınalysta sóz sóılegen kandıdat Nıkolaı Arsútın.
«Aýyl» partıasynyń saılaýaldy baǵdarlamasymen tanysyp, úgit-nasıhatyn tyńdaǵan qos kásiporyn jumysshylary partıanyń ustanǵan baǵyttaryna rızashylyqtaryn bildirdi. Jıyn barysynda olar kandıdattarǵa suraq qoıyp, usynystaryn amanattady.
