"اۋىل" پارتيياسىنىڭ بەلسەندٸلەرٸ پاۆلودار وبلىسىنا ات باسىن بۇردى
«اۋىل» پارتيياسىنىڭ نەگٸزگٸ ماقساتتارىنىڭ بٸرٸ – ەڭبەك ادامىنىڭ قادٸرٸن ارتتىرىپ, مەرتەبەسٸن كٶتەرۋ. سونداي-اق, ولارعا اۋىل شارۋاشىلىعى ٶندٸرۋشٸلەرٸ رەتٸندە ارتىقشىلىقتار بەرە وتىرىپ, «ەل اسىراۋشىسىن» قاستەرلەۋدٸ قالىپتاستىرۋ. سەبەبٸ ەلدٸ ادال ماڭداي تەرٸمەن نەپاقاسىن تاۋىپ جٷرگەن, قولىندا كٷرەگٸ مەن كەتپەنٸ, الدىندا مالى بار ادامدار عانا اسىرايدى. اگرارلىق سەكتورداعى ٶنٸمنٸڭ جەمٸسٸ – تٸكەلەي قاراپايىم ەڭبەك ادامدارىنىڭ, ياعني سٸزدەردٸڭ ەڭبەكتەرٸڭٸزدٸڭ ارقاسى.
«التىن, كٷمٸس – تاس, ارپا, بيداي – اس». ادام تاسپەن ەمەس, اسپەن قورەكتەنەدٸ. مٸنە, سولارعا قامقورلىق جاساۋىمىز كەرەك.
[perfectpullquote align="full" bordertop="false" cite="" link="" color="" class="" size=""]سوندىقتان دا, «اۋىل» پارتيياسى بٷگٸندە ەڭبەك ادامىنىڭ مەرتەبەسٸن كٶتەرۋ, قوعامدا جۇمىسشى ماماندىقتارىنا دەگەن وڭ كٶزقاراستى قالىپتاستىرۋ, ەڭبەككەرلەر ابىرويىن اسقاقتاتۋ, بەدەلٸ مەن تانىمالدىلىعىن ارتتىرۋ جٶنٸندەگٸ بارلىق ٸسكە باستاماشى, ۇيىتقى بولىپ قانا قويماي, سونىڭ زاڭناما تۇرعىسىندا ناقتى مەرتەبەگە يە بولۋى ٷشٸن كٷش سالىپ جٷر», – دەدٸ جينالىستا سٶز سٶيلەگەن كانديدات نيكولاي ارسيۋتين.
«اۋىل» پارتيياسىنىڭ سايلاۋالدى باعدارلاماسىمەن تانىسىپ, ٷگٸت-ناسيحاتىن تىڭداعان قوس كەسٸپورىن جۇمىسشىلارى پارتييانىڭ ۇستانعان باعىتتارىنا ريزاشىلىقتارىن بٸلدٸردٸ. جيىن بارىسىندا ولار كانديداتتارعا سۇراق قويىپ, ۇسىنىستارىن اماناتتادى.
