Búgin QR Mádeniet jáne aqparat ministri Aida Balaeva óziniń Feisbýk paraqshasynda «Aýyl kitaphanalaryna 100 kitap» atty aktsiianyń bastalǵanyn jariia etti.
Memleket basshysy Ulttyq quryltaida kitap máselesine erekshe toqtalyp ótkeni belgili. Prezident óz sózinde: «Shyn máninde, kitap oqityn el ziialy ultqa ainalady. Biz jas urpaqtyń kitapqa qushtarlyǵyn oiatýymyz kerek» degen bolatyn. Osy oraida, «Aýyl kitaphanalaryna 100 kitap» atty aktsiia bastadyq.
Men ózim Abai Qunanbaiulynyń aýyly Qaraýylǵa jáne Qanysh Sátbaevtyń aýyly Baianaýylǵa jáne óz týǵan aýylyma álem jáne qazaq ádebietiniń úzdik shyǵarmalaryn, tanymdyq-aǵartýshylyq ádebietterdi tartý ettim.
Bul aktsiiany ózge de áripesterim, ministrler qoldap, qazirdiń ózinde birneshe aýylǵa kitap jetkizip úlgerdi.
Máselen, Ishki ister ministri Erjan Saparbekuly, Aýyl sharýashylyǵy ministri Aidarbek Seipiluly, Eńbek jáne halyqty áleýmettik qorǵaý ministri Svetlana Qabykenqyzy, Tsifrlyq damý, innovatsiialar jáne aeroǵarysh ónerkásibi ministri bolǵan Baǵdat Batyrbekuly jeke atsalysyp, elimizdiń birqatar óńirindegi aýyl kitaphanalaryna 100 kitaptan tabys etýde.
Basqa da áriptestermiz taiaýda aktsiiaǵa qoldaý kórsetýge niet bildirdi.
Bul bastama arqyly shalǵaidaǵy aýyl kitaphanalaryna sońǵy shyqqan jańa týyndylardy jetkizip, óskeleń urpaqtyń kitap oqýǵa degen qyzyǵýshylyǵyn arttyrýdy maqsat etip otyrmyz.
Aktsiiaǵa ózge de mekemeler men uiymdar, janashyr azamattar atsalysady dep senemiz.
