Aýǵanstannyń shyǵysyndaǵy Kýnar provintsiiasynda magnitýdasy 6 ball bolatyn jer silkinisi tirkeldi. Aldyn ala málimetterge sáikes, 600-den astam adam qaza taýyp, 1500-ge jýyq adam jaralandy, dep habarlaidy Dalanews.kz Anadoly agenttigine silteme jasap.
Jergilikti bilik Kýnar provintsiiasynyń birneshe aýdany eń kóp zardap shekkenin málimdedi. Joldardy kóshkinder basyp qalǵandyqtan, qutqarý jumystary tikushaqtardyń kómegimen júrgizilýde. Aýǵanstan Aqparat ministrliginiń habarlaýynsha, ortalyq úkimet pen kórshiles provintsiialardan qosymsha komandalar apat aimaǵyna jiberilgen.
Aýǵanstannyń ýaqytsha úkimetiniń baspasóz hatshysy Zabihýlla Mýjahid (Mýdjahid) X áleýmettik jelisinde jer silkinisi saldarynan kóptegen adamnyń qaza tapqanyn rastady.
«Ókinishke qarai, búgingi jer silkinisi shyǵys provintsiialarynda adam ólimine jáne materialdyq zalalǵa ákeldi», – dep jazdy ol.
Jergilikti sheneýnikter bul oqiǵany el tarihyndaǵy eń joiqyn zilzalalardyń biri dep baǵalady. Aimaqta magnitýdasy 5,2-ge jetken eki qaitalama dúmpý tirkeldi.
AQSh Geologiialyq qyzmetiniń (USGS) dereginshe, jer silkinisiniń epitsentri Djelalabad qalasynan soltústik-shyǵysqa qarai 27 shaqyrym jerde, Pákistan shekarasyna jaqyn, 8 shaqyrym tereńdikte ornalasqan.
