Aýditorlar Mańǵystaý jáne Túrkistan oblystarynda qaryz qarajatyn paidalaný kezinde jol berilgen zańbuzýshylyqtardy anyqtady, - dep habarlaidy Dalanews.kz.
Tekserý komissiialary Mańǵystaý jáne Túrkistan oblystarynda biýdjettik kreditter men halyqaralyq qarjy uiymdarynyń qaryz qarajatyn tiimsiz jáne maqsatsyz paidalaný derekterin anyqtady. Óńirlerde memlekettik boryshty jáne kvazimemlekettik sektordyń jekelegen sýbektileriniń boryshyn basqarý aýditteri Joǵary aýditorlyq palatanyń tapsyrmasy boiynsha júrgizildi.
Qaryz qarajaty tartylǵan infraqurylymdyq obektilerdi, turǵyn úilerdi salý jáne jańǵyrtýda nátijeniń bolmaýy faktileri anyqtaldy. Jekelegen jaǵdailarda tartylǵan qaryzdar salym boiynsha paiyzdar túrinde qosymsha kiris alý úshin depozitterge salynǵan, bul qarajatty maqsatqa sai paidalanbaýǵa ákep soqty.
Aýdit nátijeleri boiynsha osy óńirlerde qaryz qarajatyn paidalaný tiimdiligine, sondai-aq kredittik mindettemelerdi ýaqytyly óteýge jetkilikti baqylaý jasalmaǵany atap ótildi.
Aýditorlar Mańǵystaý oblysynda 5,5 mlrd teńgege qarjylyq buzýshylyqtar, 869 mln teńgege syrtqy qaryzdy tiimsiz josparlaý jáne paidalaný, 6,7 mlrd teńgege biýdjettik kreditti tiimsiz paidalaný faktilerin anyqtady.
Óńirde 2 laýazymdy tulǵa ákimshilik jaýapkershilikke tartylyp, olarǵa 3,3 mln teńge aiyppul salyndy.
Túrkistan oblysynda aýdit qorytyndysy boiynsha 10,5 mln teńgege qarjylyq buzýshylyqtar, 4,8 mlrd teńgege biýdjet qarajaty men aktivterdi tiimsiz paidalaný anyqtaldy.
