Aýdan ákimimen aiqasqan fermerdiń óli denesi aryqtan tabyldy
"Alaida sot otyrysy bastalardyń aldynda sharýanyń aiaqasty joǵalyp ketkeni belgili bolady, artynsha óli denesi aýdandaǵy aryqtyń birinen tabyldy" dep habarlaidy Xabar.uz.
Jer daýy boiynsha aýdan ákimimen uzaq ýaqyt daýlasqan fermerdiń óliminen keiin qylmystyq is qozǵalmaǵan. Marqumnyń denesinde zorlyq-zombylyq belgileri baiqalmaǵan, saraptama nátijesinde fermerdiń sýǵa tunshyǵyp ólgeni rastalǵan.
Alaida sharýanyń aǵaiyn-týystary saraptama nátijesine senbeidi. Fermerdiń shalshyq sýǵa shashalyp ólgenine kúdikpen qaraidy.
"Isti óz paidasyna sheshý úshin buǵan ákimniń aralasqany anyq. Aqyl-esi durys, qol-aiaǵy saý adamnyń aryqtaǵy sýǵa tunshyǵyp ólgenine senbeimiz. Isti qaita qoparyp, máseleniń aq-qarasyn anyqtaýdy talap etemiz", – deidi olar.
Marqumnyń týys-týǵanynyń málimdemesinen keiin Bas prokýratýra isti qaita qaraý týraly sheshim shyǵardy.
