Qazaq qoǵamynda aqsaqaldar – eldik pen ónegeli ómir tájirıbesiniń qaınar kózi. Qarttar qashanda eldi bereke-birlikke, yrys-yntymaqqa jumyldyra bilgen. Halyqtyń "Aýylyńda qartyń bolsa, jazyp qoıǵan hatpen teń", "Qarıasy bar eldiń – qazynasy bar" degen sózderiniń mánisi – aqyldyń keni, qazynaly qarttardy qurmetteý, aqsaqaldar qaýymyn ardaqtaý bolyp tabylady.



1 qazan – Qarttar kúnine oraı, Ordabasy aýdan ákimi Rashıd Qaıypjanov Shymkenttegi №5 arnaýly áleýmettik qyzmetter kórsetý ortalyǵyna baryp, jalǵyzdyqtyń taýqymetin kótergen qarıalardy merekemen quttyqtady. Sonymen qatar, qarttar úıi ujymyna shynaıy alǵysyn jetkizip, syı-sıapat jasady.

– Elbasymyz Nursultan Ábishuly Nazarbaevtyń bul saladaǵy saıasatyn basshylyqqa ala otyryp, ardagerlerimizdi ardaqtap, qurmetteýge árqashanda daıynbyz. Sizderdi áleýmettik jaǵynan qoldaýdyń tıimdi tásilderin budan keıin de júzege asyra beremiz, – dedi aýdan basshysy óz quttyqtaýynda.