Atyraýda bir otbasynyń múshelerin óltirdi dep aiyptalǵan Sultan Sársemalievke qatysty sot protsesi bastaldy, dep habarlaidy dalanews.kz.
Tergeý nusqasy boiynsha, qylmys birneshe kezeńmen jasalǵan: aldymen onyń jubaiynyń aǵasy Naýryz óltirilgen, al arada jarty jyl ótken soń áieliniń ata-anasy men ápkesi qaza tapqan.
Atyraýda tórt adamdy óltirdi degen kúdikpen qamaýda otyrǵan Sultan Sársemaliev sot ǵimaratyna jetkizildi. 2026 jyldyń 18 mamyrynda qylmystyq is boiynsha aldyn ala sot tyńdaýy bastalady.
Qylmystyq isti sýdia Zarema Hamidýllina qaraidy.
Qaza tapqandardyń týysy olardyń sottyń bastalýyn uzaq kútkenin aityp, istiń ádil qaralatynyna úmittenetinin jetkizdi.
