Atom energetikasy salasyndaǵy kadr tapshylyǵy máselesin sheshý maqsatynda Qazaqstanda aýqymdy jumys bastaldy,-dep habarlaidy Dalanews.kz
AES salý jobasy úshin konsortsiým jetekshisi tańdalyp, josparlaý kezeńinen naqty iske kóshý bastaldy.
«Rosatom» memlekettik korporatsiiasymen áriptestik aiasynda Qazaqstan birden bilim berý standarttary men normativtik qujattardyń biryńǵai júiesin engizý múmkindigine ie boldy. Bul bolashaq mamandardyń eńbek protsesine kedergisiz qosylýyn qamtamasyz etip, qosymsha daiarlyqqa ketetin shyǵyndardy azaitady.
"Kadrlar – ideialardy shyndyqqa ainaldyratyn, atom salasynyń damý vektoryn aiqyndaityn basty resýrs. Atom energetikasynyń tabysty damýy eń aldymen sapaly kadrlyq bazaǵa bailanysty. Búgin biz osy irgetasty qalap otyrmyz", - deidi Iadrolyq fizika institýtynyń bas direktory Saiabek Sahiev.
Qazirgi tańda fizika, energetika, elektrotehnika jáne taý-ken injiniringi baǵyttary boiynsha 18 bilim berý baǵdarlamasy júzege asyrylyp jatyr. Maman daiarlaýmen Qazaqstandaǵy jetekshi joǵary oqý oryndary — D. Serikbaev atyndaǵy ShQTÝ, L. N. Gýmilev atyndaǵy EUÝ, Ál-Farabi atyndaǵy QazUÝ, Ǵ. Dáýkeev atyndaǵy AEBÝ, sondai-aq sheteldik seriktes ýniversitetter ainalysýda.
Budan bólek, iadrolyq fizika men injeneriia, teoriialyq iadrolyq fizika jáne atom energetikasy baǵyttarynda qos diplom baǵdarlamalary engizilgen.
2024–2025 oqý jylyna osy sala boiynsha 5 000-nan astam grant bólindi. Salystyrý úshin: 2023–2024 jyldary bul mamandyqtarǵa bar bolǵany 250-ge jýyq stýdent oqýǵa túsken, al 2011–2023 jyldar aralyǵynda otandyq oqý oryndary 1 600-den astam maman daiyndaǵan.
Sondai-aq, Qazaqstanda joǵary bilikti kadrlar jumys isteitin eki iri ǵylymi-zertteý uiymy – Iadrolyq fizika institýty men Ulttyq iadrolyq ortalyq bar. Iadrolyq fizika institýtynyń bazasynda búginge deiin 5 000-nan astam maman daiarlanǵan.
Eske salaiyq, búgin eldegi tuńǵysh AES-tiń bas merdigeri retinde «Rosatom» tańdalǵany belgili boldy. Sebebi, reseilik kompaniianyń usynystary eń ońtaily jáne tiimdi boldy. Bul irikteýge «Rosatomnan» bólek Qytai, Frantsiia jáne Ońtústik Koreia kompaniialary da qatysty. Endi Resei esebinen memlekettik eksporttyq qarjylandyrýdy tartý boiynsha pysyqtaý jumysy bastaldy.
