Asqar Týtýbaev jumystan ketý týraly ótinishti 14 qyrkúıekte jazǵan. 15 qyrkúıekte onyń ótinishi qanaǵattandyrylǵan. Endi Asqar Týtýbaev memlekettik qyzmetker emes.
Eks-sheneýnik qandaı da bir pikir bildirýden bas tartty.
Eske sala keteıik, osyǵan deıin Taldyqorǵan ákimdiginde qala ákiminiń mindetin atqarýshy Asqar Týtýbaev pen kásipker Almasbek Sadyrbaevtyń tóbeles shyǵarǵany habarlanǵan bolatyn.
Sondaı-aq, keıinirek Taldyqorǵanda tóbeles shyǵarǵan sheneýnik taǵy bir daýly rolıktiń keıipkeri bolǵany aıtyldy.
Dalanews.kz redaksıasy atynan:
Ákim Asqar Týtýbaevtyń aty buǵan deıin de baspasózde jıi atalǵan bolatyn.
Onyń Qytaıdan kelgen etnıkalyq qazaq Qonaı Masıphandy aqshamyzdy alyp, qaıtarmaı júr dep inisi arqyly sotqa bergeni habarlanǵan.
Kásipker bolsa inisi Baqytbek Týtýbaev tergeý ızolátorynda uryp, qorqytyp qolhat jazdyryp alǵandyǵyn aıtady. Sondaı-aq, Týtýbaevtar ózin túrmege otyrǵyzamyz dep qoqan-loqy jasap, únemi qysymǵa alatyndyǵyn, eki jyl boıy pasportsyz Almatyda júrgenin aıtqan bolatyn.
Bul is qazir burynǵy teregý kezindegi zańsyzdyqtarǵa baılanysty İle aýdandyq polısıasyna qaıtalaı tergeýge jiberilgen. Qonaı Masıphan men Týtýbaevtar arasyndaǵy sotty Memlekettik qyzmet isteri jáne jemqorlyqqa qarsy is-qımyl agenttiginiń tóraǵasy Qaırat Qojamjarovtyń óz nazaryna alatyny belgili bolǵan edi. Sóıtken Týtýbaev qyzmetinen ketipti…
