اسقار تۋتۋبايەۆ جۇمىستان كەتۋ تۋرالى ءوتىنىشتى 14 قىركۇيەكتە جازعان. 15 قىركۇيەكتە ونىڭ ءوتىنىشى قاناعاتتاندىرىلعان. ەندى اسقار تۋتۋبايەۆ مەملەكەتتىك قىزمەتكەر ەمەس.
ەكس-شەنەۋنىك قانداي دا ءبىر پىكىر بىلدىرۋدەن باس تارتتى.
ەسكە سالا كەتەيىك، وسىعان دەيىن تالدىقورعان اكىمدىگىندە قالا اكىمىنىڭ مىندەتىن اتقارۋشى اسقار تۋتۋبايەۆ پەن كاسىپكەر الماسبەك سادىربايەۆتىڭ توبەلەس شىعارعانى حابارلانعان بولاتىن.
سونداي-اق، كەيىنىرەك تالدىقورعاندا توبەلەس شىعارعان شەنەۋنىك تاعى ءبىر داۋلى روليكتىڭ كەيىپكەرى بولعانى ايتىلدى.
Dalanews.kz رەداكسياسى اتىنان:
اكىم اسقار تۋتۋبايەۆتىڭ اتى بۇعان دەيىن دە باسپاسوزدە ءجيى اتالعان بولاتىن.
ونىڭ قىتايدان كەلگەن ەتنيكالىق قازاق قوناي ماسيپحاندى اقشامىزدى الىپ، قايتارماي ءجۇر دەپ ءىنىسى ارقىلى سوتقا بەرگەنى حابارلانعان.
كاسىپكەر بولسا ءىنىسى باقىتبەك تۋتۋبايەۆ تەرگەۋ يزولياتورىندا ۇرىپ، قورقىتىپ قولحات جازدىرىپ العاندىعىن ايتادى. سونداي-اق، تۋتۋبايەۆتار ءوزىن تۇرمەگە وتىرعىزامىز دەپ قوقان-لوقى جاساپ، ۇنەمى قىسىمعا الاتىندىعىن، ەكى جىل بويى پاسپورتسىز الماتىدا جۇرگەنىن ايتقان بولاتىن.
بۇل ءىس ءقازىر بۇرىنعى تەرەگۋ كەزىندەگى زاڭسىزدىقتارعا بايلانىستى ىلە اۋداندىق پوليسياسىنا قايتالاي تەرگەۋگە جىبەرىلگەن. قوناي ماسيپحان مەن تۋتۋبايەۆتار اراسىنداعى سوتتى مەملەكەتتىك قىزمەت ىستەرى جانە جەمقورلىققا قارسى ءىس-قيمىل اگەنتتىگىنىڭ ءتوراعاسى قايرات قوجامجاروۆتىڭ ءوز نازارىنا الاتىنى بەلگىلى بولعان ەدى. سويتكەن تۋتۋبايەۆ قىزمەتىنەن كەتىپتى…
