Jýyrda atyshýly pornoaktrısa PGL Astana 2025 týrnırine kelgeni týraly aqparat tarady. Bul jaıtqa vıse-mınıstr pikir bildirdi, dep habarlaıdy Dalanews.kz.

Sıfrlyq damý vıse-mınıstri Qanysh Tóleýshın reseılik pornoaktrısa Eva Elfıdiń Counter Strike 2 (PGL Astana 2025) týrnırine shaqyrylýyna qatysty túsinikteme berdi.

Keshe Májilis dálizinde jýrnalıserdiń suraǵyna jaýap bergen ol bul týraly alǵash ret estigenin aıtyp, "árıne, etıkalyq turǵydan yńǵaısyz" dep basa aıtty.

Sheneýniktiń sózinshe, týrnırdi uıymdastyrýmen basqa mınıstrlik aınalysqan jáne suraqtar solarǵa qoıylýy kerek.

BAQ málimetinshe, mıllıondaǵan kórermeni bar juldyz PGL Astana 2025 halyqaralyq kıbersport týrnırine arnaıy qonaq retinde shaqyrylǵan. Osylaısha álemdik deńgeıdegi pornoaktrısa ári bloger Eva Elfı PGL Astana 2025 halyqaralyq kıbersport týrnıriniń arnaıy qonaǵy retinde Qazaqstan astanasyna keldi.