«Sax Invest» qarjy (investitsiialyq) piramidasynyń qurylymdyq bólimshesin basqarǵan adamdarǵa qatysty tergeý júrip jatyr, dep habarlaidy Dalanews.kz.
QMA málimetinshe, «Sax Invest» kompaniiasy ózin investitsiialyq qor, baǵaly qaǵazdardy, qarjy quraldaryn jáne basqa da aktivterdi ustaýshy, sondai-aq Afrikadaǵy almaz óndirý jónindegi jahandyq halyqaralyq jobanyń qatysýshysy retinde kórsetti.
Kompaniia tirkeýden ótpegen jáne qarjy naryǵynda qyzmetti júzege asyrýǵa litsenziiasy bar uiymdardyń tiziliminde joq.
«Sax Invest» qyzmeti qarjy piramidasyna tán belgilerge ie boldy:
- jyldyq 24-36%-ǵa deiin joǵary kiristilik ýádesimen buqaralyq aqparat quraldarynda jáne internette agressivti jáne jappai jarnamanyń bolýy;
- uiymnyń qarjylyq jaǵdaiy, menshikti negizgi quraldary, basqa aktivteri týraly qandai da bir aqparattyń bolmaýy.
«2018 jyldan 2022 jylǵa deiingi kezeńde 1000-nan astam piramida salymshylary 1 mlrd teńgeden asa qarajat aýdarǵan. Oblys prokýratýrasynyń úilestirýimen piramidanyń qurylymdyq bólimshesin basqarǵan QR azamaty kúdikti retinde ustalyp, ÝUI qamaýǵa alyndy.
Qazirgi ýaqytta tergeý áreketteri júrgizilýde, QPK-niń 201-babyna sáikes ózge de aqparat jariialaýǵa jatpaidy.
Filialdary respýblika boiynsha jumys jasaǵan «Sax Invest» qarjy piramidasynyń uiymdastyrýshysy S.Meńdiǵalievke halyqaralyq izdeý jariialandy. Sondai-aq, elordada «Sax Invest» kompaniiasy direktorynyń ustalǵany jaiynda buryn habarlanǵan bolatyn. Sotqa deiingi tergeý jalǵasýda», - delingen Qarjylyq monitoring agenttiginiń habarlamasynda.
«Qarjy piramidalaryna qarsy is-qimyl» arnaiy jobasy júzege asyryla bastaǵannan beri «Qnet», «World Business Consulting», «Finiko» «Antares»/«Antares Trade», «Sincere Systems Group»/«S-Group», «Hermes LTD», «Life is good», «Chia Tai Tianding»/«Chia Tai Pharmaceutical» «Energy Eolus Oazqstan»/«Eolus» siiaqty qarjy piramidalarynyń qurylymdyq bólimsheleriniń uiymdastyrýshylary jaýapkershilikke tartyldy.
