Atyraýlyq hakerge halyqaralyq izdeý jariialandy. Bul týraly ol áleýmettik jelidegi paraqshasynda málimdedi, dep habarlaidy Dalanews.kz.
Óńirdiń Politsiia departamenti bul aqparatty rastaǵan. Er adam alaiaqtyq deregi boiynsha izdestirilip jatyr.
Málimetke sáikes ol shetelde júr.
Aita keteiik, buǵan deiin áleýmettik jelilerde Atyraý oblysynda joǵalǵan otbasyǵa qatysty túrli málimet tarap, qoǵam nazaryn aýdardy. Ásirese, jeli qoldanýshylary Hacker Atyrau paraqshasynda jariialanǵan aqparatty qyzý talqylady.
Paraqsha avtory ashyq baza arqyly joǵalǵandardyń SIM kartalaryn baqylaǵanyn, bank kartasymen jasalǵan tólemderdi anyqtaǵanyn aitty. Ol osy otbasy joǵalǵannan keiin biriniń SIM kartasy mezgil-mezgil qoldanylyp otyrǵanyn da málimdedi. Sondai-aq, otbasy músheleriniń biriniń bank kartasynan qarasha jáne jeltoqsanda zeinetaqy tólemderi alynǵany týraly aqparat taraǵan bolatyn.
Aqparatty taratqan adamnyń ózi memlekettik júielerdi buzbaǵanyn, tek "ashyq derekterdi, SIM kartalardy jáne bailanys operatorlarynan alynǵan málimetterdi" paidalanǵanyn aitty.
