Aimaq basshysy aldymen Memleket basshysy Qasym-Jomart Toqaevtyń qolynan jýyrda ǵana «Qazaqstannyń eńbek eri» ataǵyn alǵan belgili jazýshy, ónertanýshy Ilia Jaqanovty arnaiy quttyqtady.
Mádeniet qairatkeriniń oblystyń rýhaniiaty men eldiń mádenietine qosqan ólsheýsiz úlesi men ólmes eńbekterin atap ótip, «bul bizdiń óńir úshin asqan mártebe, zor qýanysh» dedi.
Odan keiin Mahambet Dosmuhambetov QR Prezidentiniń Jarlyǵyna sai, bir top atyraýlyqqa joǵary nagradalardy tapsyrdy.
Memlekettiń áleýmettik-ekonomikalyq jáne mádeni damýyna qosqan eleýli úlesi, belsendi qoǵamdyq qyzmeti, sondai-aq azamattardy qorǵaý men qutqarýda kórsetilgen jeke janqiiarlyǵy úshin «Qurmet» ordenimen «Atyraý oblystyq dene shynyqtyrý jáne sport basqarmasynyń olimpiadalyq rezervin daiyndaý ortalyǵynda» erkin kúresten aǵa jattyqtyrýshy Aidos Lekerov, atalǵan basqarmanyń joǵary sporttyq sheberlik mektebiniń nusqaýshysy Dastan Qarasaev pen Jylyoi aýdanynyń qoǵam belsendisi Dairabai Eldesbaev marapattaldy.
Al «Shapaǵat medalimen» Qazaqstan musylmandar dini basqarmasynyń Atyraý oblysy boiynsha jastar isi jónindegi sektorynyń meńgerýshisi Dáýren Arapbekov, «SolarA.kz» JShS direktory Ásel Jolmuhanova, «Erkin, grek-rim jáne áielder kúresi federatsiiasy» QB Prezidenti Nurlan Úseev, «Júrekten júrekke» qoǵamdyq qorynyń quryltaishysy Áigerim Dosqalieva nagradtaldy.
Sonymen qatar, kásipkerlik salasynda jemisti eńbek etip, eleýli nátijelerge qol jetkizýmen qatar, áleýmettik salaǵa da erekshe mán berip, oblystaǵy kómekke muqtaj otbasylarǵa materialdyq qoldaý kórsetken, el igiligi jolyndaǵy qajyrly jumysy men qaiyrymdylyq qyzmeti úshin «Brando» zaýytynyń aktsioneri Mahmýd Miraliev Qazaqstan Respýblikasy Prezidentiniń Alǵysymen marapattaldy.
Memlekettik nagradaǵa ie bolǵan azamattardy quttyqtaǵan oblys ákimi Mahambet Dosmuhambetov:
– Ózderińizge belgili, biylǵy jyl elimiz úshin kúrdeli oqiǵalarmen bastaldy. Atyraý jurtshylyǵy qiyn sátte qasterli Táýelsizdigimizdi qorǵap, yńtymaq pen birligimizdi kórsete bildik. Búgingi tańda halqymyzdyń ál-aýqatyn arttyrý men turmys sapasyn jaqsartý baǵytynda júieli jumystar istelýde. Prezidentimiz Qasym-Jomart Toqaev óziniń Joldaýynda Jańa Qazaqstandy qurýǵa jol ashatyn mańyzdy bastamalardy usyndy. Munyń bári – elimizdegi saiasi reformalardy jandandyrý men memleketimizdi damytýǵa baǵyttalǵan. Jalpy memlekettiń ósip-órkendeýi – eldiń tutastyǵy men azamattarymyzdyń qajyrly eńbegine, sondai-aq elge degen patriottyq sezimderine negizdeledi, – dedi.
Óz kezeginde sóz alǵan «Erkin, grek-rim jáne áielder kúresi federatsiiasy» QB Prezidenti Nurlan Úseev pen «SolarA.kz» JShS direktory Ásel Jolmuhanova bul kótermeleýdiń artynda ár azamattyń eńbegi turǵanyna erekshe toqtalyp, aldaǵy ýaqytta elimizdiń amandyǵyn tiledi.
