Atyraýda mektepterdiń birinde oqýshy qyzǵa shabýyl jasalyp, ol aýrýhanaǵa jetkizildi, dep habarlaıdy Dala News.
Polısıanyń málimetinshe, 8-synyp oqýshysy ótkir zattan jaraqat alǵan. Oqıǵa ornyna jedel járdem shaqyrylyp, qyz oblystyq balalar aýrýhanasyna jetkizilgen.
Aldyn ala derek boıynsha, jaraqatty 9-synyp oqýshysy salǵan. Jasóspirim ustalyp, ata-anasymen birge polmeısıa bólimine jetkizildi.
Atalǵan fakti boıynsha qylmystyq is qozǵaldy. Qazir tergeýshiler oqıǵanyń barlyq mán-jaıyn anyqtap jatyr.
Sondaı-aq polısıa oqýshynyń ata-anasyn balany tıisinshe tárbıelemegeni úshin ákimshilik jaýapkershilikke tartýdy josparlap otyr.
