Атырауда мектептердің бірінде оқушы қызға шабуыл жасалып, ол ауруханаға жеткізілді, деп хабарлайды Dala News.
Полицияның мәліметінше, 8-сынып оқушысы өткір заттан жарақат алған. Оқиға орнына жедел жәрдем шақырылып, қыз облыстық балалар ауруханасына жеткізілген.
Алдын ала дерек бойынша, жарақатты 9-сынып оқушысы салған. Жасөспірім ұсталып, ата-анасымен бірге полмеиция бөліміне жеткізілді.
Аталған факті бойынша қылмыстық іс қозғалды. Қазір тергеушілер оқиғаның барлық мән-жайын анықтап жатыр.
Сондай-ақ полиция оқушының ата-анасын баланы тиісінше тәрбиелемегені үшін әкімшілік жауапкершілікке тартуды жоспарлап отыр.
