Atyraýda nikab kigen qyzdar arab jazýy beinelengen Qazaqstan týymen sýretke tústi, dep habarlaidy Dalanews.kz.
Atyraýda muz aidynynda tórt qyz nikab kiip, Qazaqstan týymen sýretke tústi. Alaida týǵa qatysty bir erekshelik bar.
Týdyń joǵarǵy bóliginde arab jazýy men qylysh beinelengen. Jazýdyń stili men ornalasýyna qaraǵanda, bul – shahada, iaǵni «Alladan basqa táńir joq, Muhammed – Onyń paiǵambary» degen maǵyna beretin islamdyq senim simvoly.
Bul sýret áleýmettik jelilerde qyzý talqylanyp, qoǵamdyq pikirtalas týǵyzdy. Keibir qoldanýshylar mundai jaǵdailarǵa quqyq qorǵaý organdary nege nazar aýdarmaidy dep surasa, al memlekettik týdy durys paidalanbaý boiynsha kishigirim erejebuzýshylyqtar úshin aiyppul salynatynyn eske salǵandar da boldy.
Atyraý oblystyq Politsiia departamenti men UQK birlesken tekserý júrgize bastady. Memlekettik rámizderdi qorlaý baby boiynsha qylmystyq is qozǵaldy.
«Tórt kúdikti anyqtalyp, politsiiaǵa jetkizildi», deidi politseiler.
