اتىراۋدا نيكاب كيگەن قىزدار اراب جازۋى بەينەلەنگەن قازاقستان تۋىمەن سۋرەتكە ءتۇستى، دەپ حابارلايدى Dalanews.kz.
اتىراۋدا مۇز ايدىنىندا ءتورت قىز نيكاب كيىپ، قازاقستان تۋىمەن سۋرەتكە ءتۇستى. الايدا تۋعا قاتىستى ءبىر ەرەكشەلىك بار.
تۋدىڭ جوعارعى بولىگىندە اراب جازۋى مەن قىلىش بەينەلەنگەن. جازۋدىڭ ءستيلى مەن ورنالاسۋىنا قاراعاندا، بۇل – شاحادا، ياعني «اللادان باسقا ءتاڭىر جوق، مۇحاممەد – ونىڭ پايعامبارى» دەگەن ماعىنا بەرەتىن يسلامدىق سەنىم سيمۆولى.
بۇل سۋرەت الەۋمەتتىك جەلىلەردە قىزۋ تالقىلانىپ، قوعامدىق پىكىرتالاس تۋعىزدى. كەيبىر قولدانۋشىلار مۇنداي جاعدايلارعا قۇقىق قورعاۋ ورگاندارى نەگە نازار اۋدارمايدى دەپ سۇراسا، ال مەملەكەتتىك تۋدى دۇرىس پايدالانباۋ بويىنشا كىشىگىرىم ەرەجەبۇزۋشىلىقتار ءۇشىن ايىپپۇل سالىناتىنىن ەسكە سالعاندار دا بولدى.
اتىراۋ وبلىستىق پوليسيا دەپارتامەنتى مەن ۇقك بىرلەسكەن تەكسەرۋ جۇرگىزە باستادى. مەملەكەتتىك رامىزدەردى قورلاۋ بابى بويىنشا قىلمىستىق ءىس قوزعالدى.
«ءتورت كۇدىكتى انىقتالىپ، پوليسياعا جەتكىزىلدى»، دەيدى پوليسەيلەر.
