Ortalyqtyń ashylý saltanatynda QR Ǵylym jáne joǵary bilim ministri Saiasat Nurbek arnaiy quttyqtaý sózin sóilep, sáttilik tiledi.
– Munaily astanadaǵy túrik tilin oqytý ortalyǵy atyraýlyq jastardyń tildi jetik meńgerip, Túrkiianyń jetekshi joǵary oqý oryndarynan bilim alýyna qyzmet etedi degen senimdemin. Hálel Dosmuhamedovtyń esimin ielengen oqý orny men Túrkiianyń Erjies ýniversiteti arasyndaǵy bailanys aldaǵy ýaqytta qazaq-túrik qatynasyn nyǵaityp, ortaq tarihymyz ben mádenietimizdi zertteýde, ǵylym men bilim salasyn kórkeitýge aiyryqsha yqpal etedi degen úmittemin, – dep atap ótti ministr S. Nurbek.
Jiynǵa Atyraý oblysy ákiminiń orynbasary Marat Mýrziev, Túrkiia Respýblikasynyń Aqtaý qalasyndaǵy konsýly Sabri Alptekin jáne Erjies ýniversitetiniń «ERU Tömer» ortalyǵynyń direktory Týrgýt Kochoglý jáne ýniversitet rektory Salamat Idrisov, ǵalymdar men stýdentter qatysty.
Bul Qazaqstandaǵy túrik tilin oqytyp, tildi meńgerý deńgeiin anyqtaityn sertifikaty halyqaralyq dárejede jaramdy alǵashqy ortalyq. Onyń sertifikaty «Bolashaq» baǵdarlamasynyń «500 ǵalym» jobasy men «Orhýn» akademiialyq utqyrlyq baǵdarlamalaryna qatysyp Túrkiia ýniversitetterinen oqýǵa múmkindik beredi. Ortalyq atyraýlyqtarǵa offlain, ózge aimaqtan qatysatyn azamattarǵa onlain formatta túrik tilin oqýǵa múmkindik beredi.
