Atyraýda para alǵan sheneýnikke 9 mln. teńge aiyppul salyndy
Bul týraly atalǵan aýdandyq sottyń baspasóz qyzmeti habarlady.
Qylmystyq is materialdarynda kórsetilgendei, Mahambet aýdandyq ákimdigine P. esimdi azamattan aýyl sharýashylyǵy qyzmetimen ainalysý úshin jer alý maqsatynda aryz túsedi. Sheneýnik fermerge Tańdai kanaly mańynda ornalasqan 20 gektarlyq jer ýchaskesin usynǵan. Atalǵan sharýany tezirek sheshý úshin pysyq sheneýnik odan 150 000 tenge talap etedi.
Biraq memleket jerdi tegin beretinin bilgen P. sybailas jemqorlyqqa qarsy is qimyl Ulttyq biýrosy Departamentine aryzdanady. Aqshany berý eki tólem boiynsha júrgizildi, alǵashqysynda 50 000 teńge berildi, keiin bir aidan soń sottalýshyny 100 000 teńgeni alý kezinde SJQUB qyzmetkerleri quryqtady.
Sotta sottalýshy men prokýror arasynda kináni moiyndaý túrindegi protsestik kelisim jasaqtaldy.
Sot úkimimen eks-sheneýnikke paranyń alpys eselengen mólsherinde, iaǵni 9 000 000 teńge aiyppul salyndy. Onymen qosa, múlki tárkilenip, memlekettik qyzmetpen ainalysý quqyǵynan ómirbaqi airyldy.
Úkim zańdy kúshine engen.
Derekkózi: «Qazaqparat»
