اتىراۋ وبلىسىنىڭ ماحامبەت اۋداندىق سوتىندا پارا الدى دەپ ايىپتالعان ماحامبەت اۋداندىق اۋىل شارۋاشىلىعى جانە جەر قاتىناستارى ءبولىمىنىڭ باسشىسىنا قاتىستى قىلمىستىق ءىس قارالدى.

بۇل تۋرالى اتالعان اۋداندىق سوتتىڭ باسپا ءسوز قىزمەتى حابارلادى.

قىلمىستىق ءىس ماتەريالدارىندا كورسەتىلگەندەي، ماحامبەت اۋداندىق اكىمدىگىنە پ. ەسىمدى ازاماتتان اۋىل شارۋاشىلىعى قىزمەتىمەن اينالىسۋ ءۇشىن جەر الۋ ماقساتىندا ارىز تۇسەدى.  شەنەۋنىك فەرمەرگە  تاڭداي كانالى ماڭىندا ورنالاسقان 20 گەكتارلىق جەر ۋچاسكەسىن ۇسىنعان. اتالعان شارۋانى تەزىرەك شەشۋ ءۇشىن  پىسىق شەنەۋنىك ودان 150 000 تەنگە تالاپ ەتەدى.

ءبىراق مەملەكەت جەردى تەگىن بەرەتىنىن بىلگەن پ. سىبايلاس جەمقورلىققا قارسى ءىس قيمىل ۇلتتىق بيۋروسى دەپارتامەنتىنە ارىزدانادى. اقشانى بەرۋ ەكى تولەم بويىنشا جۇرگىزىلدى، العاشقىسىندا 50 000 تەڭگە بەرىلدى، كەيىن ءبىر ايدان سوڭ سوتتالۋشىنى 100 000 تەڭگەنى الۋ كەزىندە سجقۇب قىزمەتكەرلەرى قۇرىقتادى.

سوتتا سوتتالۋشى مەن پروكۋرور اراسىندا كىنانى مويىنداۋ تۇرىندەگى پروسەستىك كەلىسىم جاساقتالدى.

سوت ۇكىمىمەن ەكس-شەنەۋنىككە پارانىڭ الپىس ەسەلەنگەن مولشەرىندە، ياعني 9 000 000 تەڭگە ايىپپۇل سالىندى. ونىمەن قوسا، مۇلكى تاركىلەنىپ، مەملەكەتتىك قىزمەتپەن اينالىسۋ قۇقىعىنان ءومىرباقي ايرىلدى.

ۇكىم زاڭدى كۇشىنە ەنگەن.

 

دەرەككوزى: «قازاقپارات»