Atyraýda halyqaralyq reiste erekshe jaǵdai tirkeldi: jolaýshyǵa tiesili emes júkten balyq tabylǵan. Bul oqiǵa boiynsha qylmystyq is qozǵaldy, dep habarlaidy Dalanews.kz.
Jergilikti belsendi ári bloger Rústem Baiazievtiń aitýynsha, jolaýshy tek qol júgin alyp júrgen, biraq oǵan balyq salynǵan tirkelgen júk bekitilgen.
"Adam tek qol júgin alyp kelgen, eshqandai bagaj tapsyrmaǵan. Alaida reisten túsirip tastady, sebebi onyń atyna balyq salynǵan júk tirkelipti. Al sol júkte esirtki bolsa qaiter edik? Kim jaýap berer edi?" – deidi belsendi.
Ishki ister ministrliginiń Kóliktegi politsiia departamenti bul oqiǵa boiynsha tekserý bastalǵanyn rastady. Atyraý stantsiiasyndaǵy Lineilik politsiia bólimi zańsyz balyq ónimderin tasymaldaý deregi boiynsha istiń mán-jaiyn anyqtap jatyr.
Kóliktegi politsiia departamenti Azamattyq aviatsiia komitetine SCAT áýekompaniiasynyń laýazymdy tulǵalaryna qatysty quqyqbuzýshylyqqa yqpal etken jaǵdailardy joiý jóninde usynym joldaǵan.
Basty kólik prokýratýrasynyń naqtylaýynsha, bul fakti boiynsha Qylmystyq kodekstiń 339-baby 1-bóligi – "Joiylyp ketý qaýpi tóngen, sirek kezdesetin, ne paidalanýǵa tyiym salynǵan ósimdikter men janýarlar túrlerimen, olardyń bólikterimen nemese týyndylarymen zańsyz jumys isteý" boiynsha sotqa deiingi tergep-tekserý bastaldy.
Oqiǵa 2024 jylǵy 27 mamyrda, Atyraý – Astana baǵytyndaǵy SCAT áýe reisi №766 boiynsha tirkeý kezinde, Atyraý halyqaralyq áýejaiynda bolǵan.
28 mamyrda aqparat suratylǵanymen, bul material jariialanǵan sátte SCAT áýekompaniiasy resmi túsinikteme bermegen.
