اتىراۋدا حالىقارالىق رەيستە ەرەكشە جاعداي تٸركەلدٸ: جولاۋشىعا تيەسٸلٸ ەمەس جٷكتەن بالىق تابىلعان. بۇل وقيعا بويىنشا قىلمىستىق ٸس قوزعالدى, دەپ حابارلايدى Dalanews.kz.
جەرگٸلٸكتٸ بەلسەندٸ ەرٸ بلوگەر رٷستەم بايازيەۆتٸڭ ايتۋىنشا, جولاۋشى تەك قول جٷگٸن الىپ جٷرگەن, بٸراق وعان بالىق سالىنعان تٸركەلگەن جٷك بەكٸتٸلگەن.
"ادام تەك قول جٷگٸن الىپ كەلگەن, ەشقانداي باگاج تاپسىرماعان. الايدا رەيستەن تٷسٸرٸپ تاستادى, سەبەبٸ ونىڭ اتىنا بالىق سالىنعان جٷك تٸركەلٸپتٸ. ال سول جٷكتە ەسٸرتكٸ بولسا قايتەر ەدٸك? كٸم جاۋاپ بەرەر ەدٸ?" – دەيدٸ بەلسەندٸ.
ٸشكٸ ٸستەر مينيسترلٸگٸنٸڭ كٶلٸكتەگٸ پوليتسييا دەپارتامەنتٸ بۇل وقيعا بويىنشا تەكسەرۋ باستالعانىن راستادى. اتىراۋ ستانتسيياسىنداعى لينەيلٸك پوليتسييا بٶلٸمٸ زاڭسىز بالىق ٶنٸمدەرٸن تاسىمالداۋ دەرەگٸ بويىنشا ٸستٸڭ مەن-جايىن انىقتاپ جاتىر.
كٶلٸكتەگٸ پوليتسييا دەپارتامەنتٸ ازاماتتىق اۆياتسييا كوميتەتٸنە SCAT ەۋەكومپانيياسىنىڭ لاۋازىمدى تۇلعالارىنا قاتىستى قۇقىقبۇزۋشىلىققا ىقپال ەتكەن جاعدايلاردى جويۋ جٶنٸندە ۇسىنىم جولداعان.
باستى كٶلٸك پروكۋراتۋراسىنىڭ ناقتىلاۋىنشا, بۇل فاكتٸ بويىنشا قىلمىستىق كودەكستٸڭ 339-بابى 1-بٶلٸگٸ – "جويىلىپ كەتۋ قاۋپٸ تٶنگەن, سيرەك كەزدەسەتٸن, نە پايدالانۋعا تىيىم سالىنعان ٶسٸمدٸكتەر مەن جانۋارلار تٷرلەرٸمەن, ولاردىڭ بٶلٸكتەرٸمەن نەمەسە تۋىندىلارىمەن زاڭسىز جۇمىس ٸستەۋ" بويىنشا سوتقا دەيٸنگٸ تەرگەپ-تەكسەرۋ باستالدى.
وقيعا 2024 جىلعى 27 مامىردا, اتىراۋ – استانا باعىتىنداعى SCAT ەۋە رەيسٸ №766 بويىنشا تٸركەۋ كەزٸندە, اتىراۋ حالىقارالىق ەۋەجايىندا بولعان.
28 مامىردا اقپارات سۇراتىلعانىمەن, بۇل ماتەريال جارييالانعان سەتتە SCAT ەۋەكومپانيياسى رەسمي تٷسٸنٸكتەمە بەرمەگەن.
