Atyraýdaǵy balabaqshalardyń birinde mekeme qyzmetkeri erekshe balaǵa qol kótergen. Atalmysh oqiǵanyń videosy áleýmettik jelide tarap ketti, dep habarlaidy Dalanews.kz.
Damý múmkindigi shekteýli balalardy tárbieleitin "Dara-Inklý" jekemenshik balabaqshasynda jaisyz jaittyń beti ashyldy.
Videoda tárbieshi búldirshinge eki alaqanyn kórsetip, “10 ber” deidi. Biraq bala tek bir alaqanyn kótergen sátte tárbieshi “Qarasaishy, qaraǵym-aý!” dep onyń basynan uryp jiberedi.
Bul oqiǵadan keiin balanyń ata-anasy qyzmetkerdiń ústinen aryz jazǵan. Osyǵan bailanysty quzyrly organdar tergep-tekserý amaldaryn júrgizip jatyr.
“Qalalyq bilim bóliminiń janynan da qyzmettik tekseris ashylatyn bolady. Atyraý qalalyq politsiia departamenti atalǵan fakti boiynsha anyqtaý jumystaryn júrgizip jatyr. Oqiǵa bólim basshysynyń qatań baqylaýynda”, - delingen habarlamada
Sonymen qatar tekserý qorytyndysymen oqiǵaǵa qatysty zań sheńberinde tártiptik shara qarastyrylatyny da aitylǵan.
