اتىراۋداعى بالاباقشالاردىڭ بىرىندە مەكەمە قىزمەتكەرى ەرەكشە بالاعا قول كوتەرگەن. اتالمىش وقيعانىڭ ۆيدەوسى الەۋمەتتىك جەلىدە تاراپ كەتتى، دەپ حابارلايدى Dalanews.kz.

دامۋ مۇمكىندىگى شەكتەۋلى بالالاردى تاربيەلەيتىن "دارا-ينكلۋ" جەكەمەنشىك بالاباقشاسىندا جايسىز جايتتىڭ بەتى اشىلدى.

ۆيدەودا  تاربيەشى بۇلدىرشىنگە ەكى الاقانىن كورسەتىپ، “10 بەر” دەيدى. ءبىراق بالا تەك ءبىر الاقانىن كوتەرگەن ساتتە تاربيەشى “قاراسايشى، قاراعىم-اۋ!” دەپ ونىڭ باسىنان ۇرىپ جىبەرەدى.

بۇل وقيعادان كەيىن بالانىڭ اتا-اناسى قىزمەتكەردىڭ ۇستىنەن ارىز جازعان. وسىعان بايلانىستى قۇزىرلى ورگاندار تەرگەپ-تەكسەرۋ امالدارىن جۇرگىزىپ جاتىر.

“قالالىق ءبىلىم ءبولىمىنىڭ جانىنان دا قىزمەتتىك تەكسەرىس اشىلاتىن بولادى. اتىراۋ قالالىق پوليسيا دەپارتامەنتى اتالعان فاكتى بويىنشا انىقتاۋ جۇمىستارىن جۇرگىزىپ جاتىر. وقيعا ءبولىم باسشىسىنىڭ قاتاڭ باقىلاۋىندا”، - دەلىنگەن حابارلامادا

سونىمەن قاتار تەكسەرۋ قورىتىندىسىمەن وقيعاعا قاتىستى زاڭ شەڭبەرىندە تارتىپتىك شارا قاراستىرىلاتىنى دا ايتىلعان.