Atyraýda 15 jastaǵy Injýmarjan Qýanyshqyzyna izdeý jariialandy. Qyzdyń anasy onyń joǵalýyn mektep ákimshiligimen bolǵan kelispeýshiliktermen bailanystyryp otyr. Bul týraly jergilikti "Aq Jaiyq" basylymy jazdy, dep habarlaidy Dalanews.kz.
Basylymnyń jazýynsha, anasy Ǵaliia Tuiaqqalieva oqý jylynyń basynda qyzyn basqa mektepke aýystyrǵan. Keiin oqýshy men direktordyń tárbie isi jónindegi orynbasary arasynda túsinispeýshilik týyndaǵan. Anasynyń aitýynsha, osydan keiin synypta qyzyna qarsy túsiniktemeler jinala bastaǵan. Bul jaǵdaiǵa bailanysty ol e-Otinish portaly arqyly shaǵym túsirgen.
Málimdemede direktordyń orynbasary tarapynan qyzǵa qysym kórsetilgeni aitylǵan. Sondai-aq, synyptastarynan oǵan qarsy jazbasha túsinikteme berý talap etilgeni jáne keiin qujattaryn alyp ketýge itermelegeni kórsetilgen.
19 aqpanda áielge mektepten qońyraý túsken, alaida jumysta bolǵandyqtan jaýap bere almaǵan. Kelesi kúni mektepke barǵanda oǵan oqýshylardyń jazǵan túsiniktemeleri kórsetilip, qyzynyń qujattaryn alý qajet ekeni aitylǵan.
Osydan keiin jasóspirim úiine oralǵanymen, biraz ýaqyttan soń qaita shyǵyp, sodan beri habarsyz ketken. Qazir kámeletke tolmaǵan qyzdy politsiia izdestirip jatyr.
