Zaldardyń ashylý saltanatyna Atyraý oblysy ákimi Mahambet Dosmuhambetov qatysty.
– Táýelsiz memlekettiń qurylýy men nyǵaiýy tarihynan syr shertetin materialdardy toǵystyrǵan, Elbasymyzdyń ómir jolyn baiandaityn tarihi derekteri men qairatkerlik jolyndaǵy barlyq mańyzdy muraǵat qujattary toptastyrylǵan bul ekspozitsiia zalynyń orny erekshe. Sonymen qatar, Qasietti Táýelsizdigimizdiń 30 jyldyǵyn merekeleý aiasynda ashylyp otyrǵan «Ulyq Ulys – Altyn Orda» zalynyń da urpaq tárbiesinde alar orny erekshe bolmaq, – dedi oblys ákimi Mahambet Dosmuhambetov.
Bilim jáne ǵylym minsitrligi Ǵylym komitetiniń Memleket tarihy institýtynyń direktory, tarih ǵylymdarynyń doktory, professor Erkin Ábil zaldyń tarihi mańyzyn aityp ótti.
«Ulyq Ulys – Altyn Orda» ekspozitsiialyq zalynda Altyn Orda kezeńimen tikelei bailanysty tarihi jádigerlerdiń jańartylǵan, konservatsiialanǵan nusqalary kópshilik nazaryna usynyldy. «Elbasy jáne Táýelsiz Qazaqstan tarihy» zalynda Tuńǵysh Prezident Nursultan Nazarbaevtyń taǵylymǵa toly ómirinen maǵlumat beretin derekter bar.
