Atyraý oblysy Jalǵansaı aýylynyń mańynda túnde Jaıyq ózeniniń jaıylmalarynda sý deńgeıi kóterildi. Qutqarýshylar sırena-sóıleý qurylǵylaryn paıdalana otyryp, jergilikti turǵyndardy habardar etti, - dep habarlaıdy Dalanews.kz.

Keıinirek Jalǵansaı aýylyn sý basý qaýpine baılanysty halyq Mahambet aýylyna aldyn ala evakýasıalandy.

"Ýaqytsha evakýasıalaý pýnkti jergilikti mektepte ornalasqan. Saǵat 02:30-degi jaǵdaı boıynsha munda 99 adam ornalastyryldy, onyń 63-i - balalar", - dep habarlady túnde TJM.

Búgin TJM turǵyn úılerdi sý basýǵa jol berilmegenin habarlady. Avarıalyq-qutqarý jumystaryna 812 adam jumyldyrylǵan. Olar - Atyraý, Túrkistan, Qyzylorda, Mańǵystaý jáne Almaty oblystarynan kelgen qutqarýshylar toby, TJM jáne QM áskerı qyzmetshileri, eriktiler, İİM jáne jergilikti ákimdik qyzmetkerleri.

Aıta keteıik, jol tóseminiń boıynda uzyndyǵy 800 m jáne bıiktigi shamamen 1,5 m bóget turǵyzylǵan. Sý aıdaý jumystary jalǵasyp jatyr.