Qutqarýshylar Mahambet aýdanynyń turǵyndaryna kómek kórsetýde, dep habarlaidy Dalanews.kz.
Tótenshe jaǵdailar departamentiniń málimetinshe, Taldykól aýylyndaǵy turǵyndar erikti túrde kóshirilip jatyr. Turǵyndardy evakýatsiialaýǵa 25 oryndyq 4 avtobýs, 12 orny bar 2 GAZel avtokóligi men 30 qyzmetker tartylǵan.
Mahambet aýdanynyń Taldykól aýylynan turǵyndardy Atyraý qalasyna evakýatsiialaý jumystary jalǵasýda.
Taldykól aýylynan 129 turǵyn, onyń ishinde 102 bala evakýatsiialandy. 138 adam, onyń ishinde 62 bala ózdiginen evakýatsiialanyp, týystaryna ornalasty. Evakýatsiia jumystary jalǵasýda. Qazirgi ýaqytta eldi mekenniń turǵyn úilerin sý basqan joq.
