Atyraý oblysynda brakonerlikke qarsy reıd kezinde ınspektorlardyń kvadrosıkli muz astyna túsip ketti, dep habarlaıdy Dalanews.kz.
Jaıyq ózeninde brakonerlikke qarsy reıd barysynda balyq sharýashylyǵy ınspektorlary mingen kvadrosıkl muz astyna túsip ketken. Oqys oqıǵa 7 qańtarda bolǵan.
Aldyn ala málimetke sáıkes eki ınspektor da qutqarý keýdeshesin kıgen jáne ózdiginen sýdan shyǵyp úlgergen. Zardap shekkender joq.
Qazir kvadrosıkldi sýdan shyǵarý máselesi sheshilip jatyr, tehnıkany jaqyn arada alyp shyǵý josparlanǵan. Oqıǵanyń mán-jaıy naqtylanyp jatyr.
