Atyraý oblysynda Qyzylqoǵa aýdanynyń Jangeldin aýylynda joǵalǵan otbasyny izdeý jumystary jalǵasyp jatyr, dep habarlaidy Dalanews.kz "Aq Jaiyqqa" siltep.
Jangeldin aýylynyń ákimi Qanat Ǵaisa otbasy men izdeý barysy týraly aitty.
Ákimniń aitýynsha, tórt adamnan turatyn otbasy buryn eshqandai kúdik týdyrmaǵan jáne erekshe minez-qulyq kórsetpegen.
"Olar ákimdikten kómek suramaǵan, sebebi turaqty tabystary boldy. Otbasynda eki zeinetker jáne múmkindigi shekteýli eki adam birge turǵan. Jiyrma shaqty qoiy men onnan astam iri qarasy bar edi, sol arqyly kún kórgen", - dedi ákim.
Izdeý jumystaryna Tótenshe jaǵdailar departamentiniń qyzmetkerleri men aýyl turǵyndary qatysyp jatyr. Ázirge nátije joq.
Ákimniń sózinshe, otbasy aýyldan qalaǵa qatynaityn taksi qyzmetin paidalanbaǵan.
"Aýylymyz shaǵyn, bóten kólik kelse nemese bireý ketse, birden baiqalar edi", – dep atap ótti ol.
Sondai-aq, ákimniń sózinshe, otbasy memlekettik mekemelerge sirek barǵan. Sońǵy ret 28 qazanda áiel qan qysymy joǵarylaýyna bailanysty dárigerge júgingen.
Eske salaiyq, buǵan deiin Atyraý oblysynda bir otbasy izdestirilip jatqany habarlandy. Politsiiaǵa aryz 25 jeltoqsanda túsken.
