Atyraý oblysynda burynǵy áielin uryp-soqqany úshin burynǵy aýdan ákimi sottaldy, - dep habarlaidy Dalanews.kz.
Atyraý qalasynyń №2 sotynda aýdannyń burynǵy ákimi I.R.-ǵa qatysty densaýlyqqa qasaqana aýyrlyǵy ortasha ziian keltirý deregi boiynsha qylmystyq is qaraldy.
2023 jylǵy 31 mamyrda Atyraý qalasyndaǵy páterde I.R. jáne onyń áieli Ý.A. arasynda janjal bolǵany, janjal kezinde I.R. jábirlenýshiniń ózine materialdyq táýeldiligin paidalanyp, osy negizde janjal shyǵaryp, áieli Ý.A-ny oń iyǵynan ustap, esikti jaýyp, bólmege kirgizgeni anyqtaldy.
"Eshkimniń kedergi jasamaitynyna kóz jetkizip, densaýlyǵyna qasaqana ziian keltirý maqsatynda Ý.A.-ny edenge qulatqan jáne sol jaq sanynan birneshe ret tepkilegen, sonyń saldarynan jábirlenýshi Ý.A. 5-shi omyrtqasynyń synýy túrinde ortasha aýyrlyqtaǵy zaqym alǵan", - dep jazylǵan málimette.
Sottalýshynyń kinási jábirlenýshiniń aiǵaqtarymen, saraptama qorytyndysymen jáne basqa da dáleldemelermen dáleldendi.
Qylmys jasalǵan kezde qoldanysta bolǵan QK-niń 107-baby 2-bóligi 3-tarmaǵynyń sanktsiiasy 2000 AEK-ke deiingi mólsherde aiyppul salý nemese túzeý jumystary túrindegi jazany sol mólsherde, ne 800 saǵatqa deiingi merzimge qoǵamdyq jumystarǵa tartý, ne 3 jylǵa deiingi merzimge bas bostandyǵyn shekteý, ne sol merzimge bas bostandyǵynan aiyrý jazasyn qarastyrady. Bul qylmys zań boiynsha ortasha aýyrlyq dárejesine jatqyzylady.
Sot úkimimen I.R.-ǵa 2 jylǵa bas bostandyǵyn shekteý jazasy taǵaiyndaldy.
Jábirlenýshiniń 20 mln teńge moraldyq shyǵyn óndirý týraly azamattyq talap qoiýy ishinara qanaǵattandyrylyp, I.R. jábirlenýshi Ý.A-nyń paidasyna 2 mln teńge moraldyq ziiandy óteitin boldy.
Sottyń úkimi zańdy kúshine engen joq.
Aita keteiik, buǵan deiin Maqat aýdany ákimi bolǵan Rinat Ibragimov 2 jyl 3 aidan keiin óz aryzyna sáikes jumystan bosatyldy. Jergilikti basylym málimetinshe, eks-ákimniń jumystan ketýi burynǵy otbasylyq jaǵdaiyna bailanysty ma, belgisiz.
Sonymen qatar, buǵan deiin Rinat Ibrgaimovtyń burynǵy jubaiy Aqmaral Úmbetqalieva áleýmettik jelde videoúndeý jariialap, burynǵy kúieýinen kórgen zábirin jipke tizip, balalaryn ózinen zańsyz túrde tartyp alǵanyn, bir jyl boiy kórsetpei qoiǵanyn aityp, kómek suraǵan edi.
Bul videomálimdeme kópshilik arasynda túrli rezonans týǵyzdy. Eks-jubaiynyń videojazbasynan keiin Rinat Ibragimov te áleýmettik jelidegi paraqshasyna videomálimdeme taratyp, burynǵy jubaiynyń sózin teriske shyǵara otyryp, BAQ ókilderin asyǵys qorytyndy jasamaýǵa shaqyrdy.
Artynsha oblystyq ákimdiktiń baspasóz qyzmeti mán-jaidy anyqtaý úshin qyzmettik tergeý júrip jatqanyn málimdedi. 24 mamyrda Maqat aýdanynyń ákimi óz erkimen jumystan ketti.
