اتىراۋ وبلىسىندا بۇرىنعى ەيەلٸن ۇرىپ-سوققانى ٷشٸن بۇرىنعى اۋدان ەكٸمٸ سوتتالدى, - دەپ حابارلايدى Dalanews.kz.
اتىراۋ قالاسىنىڭ №2 سوتىندا اۋداننىڭ بۇرىنعى ەكٸمٸ ي.ر.-عا قاتىستى دەنساۋلىققا قاساقانا اۋىرلىعى ورتاشا زييان كەلتٸرۋ دەرەگٸ بويىنشا قىلمىستىق ٸس قارالدى.
2023 جىلعى 31 مامىردا اتىراۋ قالاسىنداعى پەتەردە ي.ر. جەنە ونىڭ ەيەلٸ ۋ.ا. اراسىندا جانجال بولعانى, جانجال كەزٸندە ي.ر. جەبٸرلەنۋشٸنٸڭ ٶزٸنە ماتەريالدىق تەۋەلدٸلٸگٸن پايدالانىپ, وسى نەگٸزدە جانجال شىعارىپ, ەيەلٸ ۋ.ا-نى وڭ يىعىنان ۇستاپ, ەسٸكتٸ جاۋىپ, بٶلمەگە كٸرگٸزگەنٸ انىقتالدى.
"ەشكٸمنٸڭ كەدەرگٸ جاسامايتىنىنا كٶز جەتكٸزٸپ, دەنساۋلىعىنا قاساقانا زييان كەلتٸرۋ ماقساتىندا ۋ.ا.-نى ەدەنگە قۇلاتقان جەنە سول جاق سانىنان بٸرنەشە رەت تەپكٸلەگەن, سونىڭ سالدارىنان جەبٸرلەنۋشٸ ۋ.ا. 5-شٸ ومىرتقاسىنىڭ سىنۋى تٷرٸندە ورتاشا اۋىرلىقتاعى زاقىم العان", - دەپ جازىلعان مەلٸمەتتە.
سوتتالۋشىنىڭ كٸنەسٸ جەبٸرلەنۋشٸنٸڭ ايعاقتارىمەن, ساراپتاما قورىتىندىسىمەن جەنە باسقا دا دەلەلدەمەلەرمەن دەلەلدەندٸ.
قىلمىس جاسالعان كەزدە قولدانىستا بولعان قك-نٸڭ 107-بابى 2-بٶلٸگٸ 3-تارماعىنىڭ سانكتسيياسى 2000 اەك-كە دەيٸنگٸ مٶلشەردە ايىپپۇل سالۋ نەمەسە تٷزەۋ جۇمىستارى تٷرٸندەگٸ جازانى سول مٶلشەردە, نە 800 ساعاتقا دەيٸنگٸ مەرزٸمگە قوعامدىق جۇمىستارعا تارتۋ, نە 3 جىلعا دەيٸنگٸ مەرزٸمگە باس بوستاندىعىن شەكتەۋ, نە سول مەرزٸمگە باس بوستاندىعىنان ايىرۋ جازاسىن قاراستىرادى. بۇل قىلمىس زاڭ بويىنشا ورتاشا اۋىرلىق دەرەجەسٸنە جاتقىزىلادى.
سوت ٷكٸمٸمەن ي.ر.-عا 2 جىلعا باس بوستاندىعىن شەكتەۋ جازاسى تاعايىندالدى.
جەبٸرلەنۋشٸنٸڭ 20 ملن تەڭگە مورالدىق شىعىن ٶندٸرۋ تۋرالى ازاماتتىق تالاپ قويۋى ٸشٸنارا قاناعاتتاندىرىلىپ, ي.ر. جەبٸرلەنۋشٸ ۋ.ا-نىڭ پايداسىنا 2 ملن تەڭگە مورالدىق زيياندى ٶتەيتٸن بولدى.
سوتتىڭ ٷكٸمٸ زاڭدى كٷشٸنە ەنگەن جوق.
ايتا كەتەيٸك, بۇعان دەيٸن ماقات اۋدانى ەكٸمٸ بولعان رينات يبراگيموۆ 2 جىل 3 ايدان كەيٸن ٶز ارىزىنا سەيكەس جۇمىستان بوساتىلدى. جەرگٸلٸكتٸ باسىلىم مەلٸمەتٸنشە, ەكس-ەكٸمنٸڭ جۇمىستان كەتۋٸ بۇرىنعى وتباسىلىق جاعدايىنا بايلانىستى ما, بەلگٸسٸز.
سونىمەن قاتار, بۇعان دەيٸن رينات يبرگايموۆتىڭ بۇرىنعى جۇبايى اقمارال ٷمبەتقاليەۆا ەلەۋمەتتٸك جەلدە ۆيدەوٷندەۋ جارييالاپ, بۇرىنعى كٷيەۋٸنەن كٶرگەن زەبٸرٸن جٸپكە تٸزٸپ, بالالارىن ٶزٸنەن زاڭسىز تٷردە تارتىپ العانىن, بٸر جىل بويى كٶرسەتپەي قويعانىن ايتىپ, كٶمەك سۇراعان ەدٸ.
بۇل ۆيدەومەلٸمدەمە كٶپشٸلٸك اراسىندا تٷرلٸ رەزونانس تۋعىزدى. ەكس-جۇبايىنىڭ ۆيدەوجازباسىنان كەيٸن رينات يبراگيموۆ تە ەلەۋمەتتٸك جەلٸدەگٸ پاراقشاسىنا ۆيدەومەلٸمدەمە تاراتىپ, بۇرىنعى جۇبايىنىڭ سٶزٸن تەرٸسكە شىعارا وتىرىپ, باق ٶكٸلدەرٸن اسىعىس قورىتىندى جاساماۋعا شاقىردى.
ارتىنشا وبلىستىق ەكٸمدٸكتٸڭ باسپاسٶز قىزمەتٸ مەن-جايدى انىقتاۋ ٷشٸن قىزمەتتٸك تەرگەۋ جٷرٸپ جاتقانىن مەلٸمدەدٸ. 24 مامىردا ماقات اۋدانىنىڭ ەكٸمٸ ٶز ەركٸمەن جۇمىستان كەتتٸ.
