Atyraý munai óńdeý zaýytynyń úlesin reseilik «Tatneft» kompaniiasyna satý máselesi qarastyrylyp otyrǵan joq. Bul týraly Energetika ministrligi málimdedi, – dep habarlaidy Dalanews.kz.
"Qolda bar aqparat boiynsha "Tatneft" ókilderi óndiristik tájiribe almasý sheńberinde Atyraý MÓZ-men ózara is-qimyl jasady. Munai óńdeý salasynyń kompaniialary arasynda tájiribe almasý - MÓZ óndirisiniń kórsetkishterin jaqsartý úshin standartty jáne keń taralǵan protsess. Qazir AMÓZ úlesin satý qarastyrylyp otyrǵan joq", - dedi Energetika ministrligi ókilderi QazTAG redaktsiiasynyń saýalyna.
Aita keteiik, Básekelestikti qorǵaý jáne damytý agenttigi tóraǵasynyń birinshi orynbasary Rýstam Ahmetov 2025 jylǵy 17 naýryzda Májilis dálizinde jýrnalistergen suqbatynda AMÓZ men PMÓZ-di jekeshelendirý týraly usynysqa qatysty túsinikteme berdi.
Al keiinirek Qazmunaigaz Atyraý munai óńdeý zaýytynyń úlesin jekeshelendirý máselesine qatysty túsinikteme berdi.
QMG málimetinshe, Pavlodar jáne Atyraý munai óńdeý zaýyttarynyń úlesin jekeshelendirý Básekelestikti qorǵaý jáne damytý agenttiginiń usynysy bolǵan.
"QMG elimizde munai-gaz himiiasy salasyn jan-jaqty damytyp, barlyq óndiris tizbegin birlesip qurý úshin seriktestermen yntymaqtastyq ornatýǵa ashyq kompaniia ekeni belgili. Osyǵan bailanysty alys jáne jaqyn shet elderdiń túrli kompaniialary, sonyń ishinde «Tatneft» JAQ qarastyrylyp otyr", - dep jazylǵan buǵan deiingi habarlamada.
