Básekelestik qorǵaý jáne damytý agenttiginiń tóraǵasy Marat Omarov Shymkent qalasyna jumys sapary aiasynda elimizdegi úsh iri munai óńdeý zaýytynyń biri - "PetroQazaqstan Oil Prodakts" JShS-ǵa da bardy,dep habarlaidy Dalanews.kz.
Ekskýrsiia barysynda ol kásiporyndaǵy jeke basqarý tásili zaýyt jumysynyń tiimdiligine, atap aitqanda, jii jóndeý jumystarynyń bolmaýyna oń áser etetinin atap ótti.
"Sizderge qarap, biz shynymen sapaly ónimniń kýási bolamyz: jóndeýge ketetin eń az shyǵyn, eń bastysy — perspektivaly investitsiialyq joba. Biz bul jumystardy úlgi bolady dep sanaimyz jáne basqa eki zaýytta da osyndai tásildi qoldanýdy josparlap otyrmyz. Jekeshelendirý keńsesi sheńberinde biz sizderdiń mysaldaryńyzǵa súiene otyryp, jeke investorlarǵa eki MÓZ-degi úlesti usynbaqpyz. Sondyqtan biz bul baǵyttaǵy jumysty jalǵastyramyz", - dedi Marat Omarov.
Aita ketsek, 2024 jyly agenttik munai óńdeý naryǵyndaǵy básekelestiktiń jai-kúiine taldaý júrgizdi. Onyń qorytyndysy boiynsha, "QazMunaiGaz" tulǵalar tobyna kiretin "PetroQazaqstan Oil Prodakts" JShS naryqta ústem jaǵdaiǵa ie sýbekt retinde tanyldy.
