Quzyrly vedomstvo atap ótkendei, 2025 jylǵy 12 aqpanda Aqmola oblysynyń qylmystyq ister jónindegi mamandandyrylǵan aýdanaralyq sotynda alqabilerdiń úkiminiń negizinde Aqmola oblysy boiynsha qylmystyq-atqarý júiesi departamentiniń "№1 mekeme" RMM-niń burynǵy 12 qyzmetker aqtaldy.
Atbasar qalasyndaǵy №1 túzeý mekemesinde burynǵy laýazymdy tulǵalary sottalǵandarǵa qatysty azaptaý áreketterin qoldanǵany úshin aiyptalǵan.
Aqmola oblysynyń prokýratýrasy sot aktisimen kelispei, 2025 jyly 14 aqpanda apelliatsiialyq ótinishhat engizdi.
Buǵan deiin saitymyzda "Azaptaýǵa ushyraǵan sottalýshy belsendi Dánebaev málimdeme jasady" degen maqala jariialanǵan bolatyn.
Eske sala ketsek, 2023 jyldyń kúzinde tutqyn Timýr Dánebaevtyń koloniiada aiaýsyz azaptalǵany týraly video internette taraǵan bolatyn. Jaǵdai kópshiliktiń narazylyǵyn týdyrdy. Qyzmettik tergeý bastaldy. Qyrkúiektiń 6-sy kúni quqyq qorǵaýshy Elena Semenova azaptaý faktisi boiynsha qylmystyq is qozǵalǵanyn habarlady. Keiin qylmystyq atqarý júiesi 11 tártip saqshysyn jumystan bosatatynyn, qylmystyq atqarý júiesiniń basshysy, onyń orynbasary men koloniia bastyǵy qyzmetterinen alynatynyn habarlady. Qylmystyq izdestirý basqarmasy da qylmystyq istiń qozǵalǵanyn rastady.
2024 jyldyń 31 shildesinde azaptaý isi boiynsha Atbasar koloniiasynyń 12 qyzmetkerine qatysty sot otyrysy bastaldy. Olardyń úsheýi qamaýda, qalǵandary kepilmen bosatyldy. Is materialdaryna sáikes, koloniianyń 44 tutqyny jábirlenýshi dep tanyldy, sot alqabilerdiń qatysýymen ótip jatyr.
