1 qazandaǵy jaǵdaı boıynsha 274 myńnan asa adamǵa ataýly áleýmettik kómek kórsetildi. Bul týraly Eńbek jáne halyqty áleýmettik qorǵaý mınıstrligi málimdedi, dep habarlaıdy Dalanews.kz.
AÁK-niń negizgi maqsaty – aqshalaı tólem túrinde qoldaý jáne otbasynyń eńbekke qabiletti múshelerin jumyspen qamtýǵa járdemdesýdiń belsendi sharalaryna tartý arqyly otbasyn qıyn ómirlik jaǵdaıdan shyǵarý.
AÁK mynalardy kózdeıdi:
- tabysy kedeılik sheginen aspaıtyn azamattarǵa toqsan saıyn áleýmettik kómek taǵaıyndaý;
- tabysy az otbasylardaǵy 1 jas pen 6 jas aralyǵyndaǵy ár balaǵa 1,5 AEK mólsherinde aı saıynǵy qosymsha tólem berý. 1 qazandaǵy jaǵdaı boıynsha AÁK alýshylar qatarynan mektep jasyna deıingi 84,6 myń balaǵa 3,2 mlrd teńge somasyna qosymsha tólem taǵaıyndalǵan;
- jumysqa ornalastyrý, óz isin ashýǵa nıetti otbasylarǵa granttar berý, biliktilikti arttyrý kýrstaryna jiberý (qajet bolǵan jaǵdaıda) arqyly jumyspen qamtýǵa járdemdesý.
Aıta keteıik, qazaqstandyqtar AÁK taǵaıyndaýǵa ótinishti turǵylyqty jeri boıynsha mansap ortalyǵynda, aýyl okrýginiń ákimine, sondaı-aq, elektron úkimet portaly (egov.kz) arqyly bere alady.
