Onyń aitýynsha, Atambaevty 26 qazanda UQMK-nyń tergeý abaqtysynan burynǵy ólim jazasyna kesilgen tutqyndardy qamaityn jertóledegi kameraǵa aýystyrǵan. Buǵan qarsylyq retinde Almazbek Atambaev ashtyq jariialaǵan. Qazir onyń jaǵdaiy nashar deidi advokaty.
Aqparatqa qaraǵanda, burynǵy prezident otyrǵan jertólede kópten beri eshkim bolmaǵandyqtan, jylýdy endi ǵana bergen. Kamera esigi ashyq, kanalizatsiiasy jumys istemeidi.
Bul málimetti resmi anyqtaý úshin Azattyqtyń qyrǵyz qyzmeti Jazany atqarý boiynsha memlekettik qyzmetke qairyldy. Mekemeniń baspasóz qyzmeti bul týraly habary joq ekenin, aqparatty anyqtap jatqanyn jetkizdi.
Atambaev qylmys áleminiń dókeii Aziz Batýkaevtyń túrmeden zańsyz bosatylýyna bailanysty 11 jylǵa bas bostandyǵynan aiyrylǵan. Budan bólek ol Koi-Tash oqiǵasy boiynsha sottalǵan.
Biyl 6 qazanǵa qaraǵan túni Atambaevty jaqtastary túrmeden bosatyp aldy. Biraq arnaiy qyzmet 9 qazanda Bishkekte ótken miting kezinde ony qaita ustap áketti.
