Eldiń burynǵy basshysy Almazbek Atambaevtyń advokaty Zamir Jooshevtyń habarlaýynsha, memlekettik aiyptaýshy eks-prezidentke 15 jyl túrme jazasyn suraǵan. Munan bólek barlyq memlekettik marapattaýdan aiyryp, dúnie-múlkin tárkileýdi suraǵan.
Advokattyń sózinshe, sot úkimi 18 maýsymda jariialanbaq. Batýkaevty zańsyz bosatty degen is boiynsha 19 adam jaýap berip jatyr. Onyń ishinde 4 basty kúdikti bar, solardyń biri – Almazbek Atambaev.
Qylmys áleminiń belsendisi Aziz Batýkaev 2013 jyly Naryn túrmesinen dárigerlerdiń qaterli isik aýrýymen aýyrady degen anyqtamasy boiynsha merziminen buryn bostandyqqa shyqqan. Sol kúni ol Groznyi (Sheshenstan, Resei) qalasyna ushyp ketken.
2019 jyly eldiń ishki ister ministrligi bul oqiǵa boiynsha qylmystyq is qozǵap, tergeý jumysyn bastaǵan. Basty aiyptalýshylar – eldiń burynǵy prezidenti Almazbek Atambaev. Burynǵy bas prokýror Indira Joldýbaeva, Jazalardy atqarý memlekettik qyzmeti tóraǵasynyń burynǵy keńesshisi Kalybek Kachkynaliev pen Gematologiia ortalyǵynyń burynǵy direktory Abdýhalim Raimjanov.
