ەلدٸڭ بۇرىنعى باسشىسى المازبەك اتامباەۆتىڭ ادۆوكاتى زامير جووشەۆتىڭ حابارلاۋىنشا, مەملەكەتتٸك ايىپتاۋشى ەكس-پرەزيدەنتكە 15 جىل تٷرمە جازاسىن سۇراعان. مۇنان بٶلەك بارلىق مەملەكەتتٸك ماراپاتتاۋدان ايىرىپ, دٷنيە-مٷلكٸن تەركٸلەۋدٸ سۇراعان.
ادۆوكاتتىڭ سٶزٸنشە, سوت ٷكٸمٸ 18 ماۋسىمدا جارييالانباق. باتۋكاەۆتى زاڭسىز بوساتتى دەگەن ٸس بويىنشا 19 ادام جاۋاپ بەرٸپ جاتىر. ونىڭ ٸشٸندە 4 باستى كٷدٸكتٸ بار, سولاردىڭ بٸرٸ – المازبەك اتامباەۆ.
قىلمىس ەلەمٸنٸڭ بەلسەندٸسٸ ازيز باتۋكاەۆ 2013 جىلى نارىن تٷرمەسٸنەن دەرٸگەرلەردٸڭ قاتەرلٸ ٸسٸك اۋرۋىمەن اۋىرادى دەگەن انىقتاماسى بويىنشا مەرزٸمٸنەن بۇرىن بوستاندىققا شىققان. سول كٷنٸ ول گروزنىي (شەشەنستان, رەسەي) قالاسىنا ۇشىپ كەتكەن.
2019 جىلى ەلدٸڭ ٸشكٸ ٸستەر مينيسترلٸگٸ بۇل وقيعا بويىنشا قىلمىستىق ٸس قوزعاپ, تەرگەۋ جۇمىسىن باستاعان. باستى ايىپتالۋشىلار – ەلدٸڭ بۇرىنعى پرەزيدەنتٸ المازبەك اتامباەۆ. بۇرىنعى باس پروكۋرور ينديرا جولدۋباەۆا, جازالاردى اتقارۋ مەملەكەتتٸك قىزمەتٸ تٶراعاسىنىڭ بۇرىنعى كەڭەسشٸسٸ كالىبەك كاچكىناليەۆ پەن گەماتولوگييا ورتالىعىنىڭ بۇرىنعى ديرەكتورى ابدۋحاليم رايمجانوۆ.
