eGov arqyly oqýshylardy basqa mektepke aýystyrýǵa bolady, dep habarlaidy Dalanews.kz.
Ata-analar men zańdy ókilder balany bir mektepten ekinshi mektepke eGov.kz portaly arqyly aýystyra alady. Portalda turǵylyqty jeri boiynsha nemese odan tys kez kelgen bilim berý uiymyn tańdap, ótinishti elektron túrde berýge múmkindik bar.
"Bul qyzmet esepten shyǵarý jáne bekitý talondaryn, sondai-aq, jeke is qujattaryn tapsyrýdy talap etpeidi. Ótinish berýshi oqý tilin tańdap, qajet bolsa, ótinishin qaitaryp ala alady", - dep jazylǵan habarlamada.
Ol úshin:
- eGov.kz portalynda tirkelý;
- "Bilim" bólimindegi "Orta bilim" bóliminde "Balalardy mektepten mektepke aýystyrý" qyzmetin tańdaý;
- Ótinishti toltyryp, ETsQ kómegimen qol qoiý;
- Nátijemen jeke kabinette tanysý kerek.
