eGov ارقىلى وقۋشىلاردى باسقا مەكتەپكە اۋىستىرۋعا بولادى، دەپ حابارلايدى Dalanews.kz.
اتا-انالار مەن زاڭدى وكىلدەر بالانى ءبىر مەكتەپتەن ەكىنشى مەكتەپكە eGov.kz پورتالى ارقىلى اۋىستىرا الادى. پورتالدا تۇرعىلىقتى جەرى بويىنشا نەمەسە ودان تىس كەز كەلگەن ءبىلىم بەرۋ ۇيىمىن تاڭداپ، ءوتىنىشتى ەلەكترون تۇردە بەرۋگە مۇمكىندىك بار.
"بۇل قىزمەت ەسەپتەن شىعارۋ جانە بەكىتۋ تالوندارىن، سونداي-اق، جەكە ءىس قۇجاتتارىن تاپسىرۋدى تالاپ ەتپەيدى. ءوتىنىش بەرۋشى وقۋ ءتىلىن تاڭداپ، قاجەت بولسا، ءوتىنىشىن قايتارىپ الا الادى"، - دەپ جازىلعان حابارلامادا.
ول ءۇشىن:
- eGov.kz پورتالىندا تىركەلۋ؛
- "ءبىلىم" بولىمىندەگى "ورتا ءبىلىم" بولىمىندە "بالالاردى مەكتەپتەن مەكتەپكە اۋىستىرۋ" قىزمەتىن تاڭداۋ؛
- ءوتىنىشتى تولتىرىپ، ەسق كومەگىمەن قول قويۋ؛
- ناتيجەمەن جەكە كابينەتتە تانىسۋ كەرەك.
