Elde ata-analardyń jumys kúnin qysqartý usynyldy, dep habarlaidy Dalanews.kz.
Premer-ministrdiń orynbasary - ulttyq ekonomika ministri Serik Jumanǵarin bul usynysty áli kórmegenin, biraq onyń mánin túsinip, jan-jaqty taldaý qajet ekenin jetkizdi.
Onyń aitýynsha, halyqaralyq tájiribede úide otyryp, sharýamen ainalysý nemese balalarǵa qaraý tolyqqandy eńbek retinde tanylady.
"Muny nazardan tys qaldyrýǵa bolmaidy. Ekonomikada árbir nárse esepke alynady. Sondyqtan bastamany jan-jaqty baǵalaý kerek", - dedi ol.
Eske salaiyq, keshe Májilis depýtattary balasy men naýqas týysyna qaraityn ata-analar úshin jumys ýaqytyn qysqartýdy usyndy.
